უკრაინის გენშტაბის ცნობით, 31 იანვარს უკრაინის თავდაცვის ძალების სარაკეტო და საარტილერიო ძალების მებრძოლებმა კურსკის რეგიონის ქალაქ რილსკში მდებარე რუსეთის შეიარაღებული ძალების სამეთაურო პუნქტს დაარტყეს. "მაღალი სიზუსტის და კოორდინირებული დარტყმის შედეგად, მტრის მართვის ცენტრი განადგურდა. ეს ოპერაცია არის მტრის სამეთაურო პუნქტების განადგურების მიზნით მიმდინარე სისტემური ძალისხმევის ნაწილი, რაც მას საბრძოლო ოპერაციებისა და ლოგისტიკის ეფექტიანი კოორდინაციის შესაძლებლობას ართმევს", - ნათქვამია უკრაინის გენშტაბის ცნობაში, რომელსაც "უკრაინსკა პრავდა" იმოწმებს. ანგარიშში ასევე ნათქვამია, რომ მტრის სამეთაურო პუნქტების განადგურების ოპერაციები გაგრძელდება მანამ, სანამ ბოლომდე არ შეწყდება რუსეთის სამხედრო აგრესია უკრაინის წინააღმდეგ. უკრაინის ფრონტის სხვა უბანზე, დონეცკის მიმართულებით, უკრაინის თავდაცვის ძალები ცდილობენ, შეაჩერონ რუსეთის საოკუპაციო ძალების იერიშები ქალაქ ტორეცკზე, რომლის დაახლოებით 88%-ს, ომის შემსწავლელი ინსტიტუტის ცნობით, რუსები აკონტროლებენ. სამხედრო მიმომხილველების თანახმად, ტორეცკის რუსეთის არმიის ხელში მოხვედრა უკრაინის ჯარისთვის ნიშნავს მომარაგების მნიშვნელოვანი არხის გადაკეტვას. ასევე ნახეთ რუსეთის ჯარები ქალაქ ტორეცკს მიადგნენ ასევე ნახეთ რას ედავება ხელისუფლება პეტრო პოროშენკოს და მის უფროს შვილს და რა შუაშია არჩევნები? ...