ვასო აბაშიძის სახელობის „ახალი თეატრის“ საპროტესტო მანიფესტი რეგიონებში გადის. პირველი ქალაქი ბათუმია. დასი ბათუმისკენ უკვე გაემგზავრა. წინასწარი ინფორმაციით, თეატრი საპროტესტო მანიფესტით ხალხის წინაშე 19:00 საათზე, ევროპის მოედანზე წარდგება. „ახალი თეატრის” ინფორმაციით, ბათუმის მერიაში შეტანილია შესაბამისი განცხადება. „შემოტანილი განცხადების საფუძველზე უზრუნველყავით საპროტესტო მანიფესტის სრულფასოვნად და უსაფრთხოდ ჩატარება!“, - მიმართავს დასი ბათუმის მერიას. три წინასწარ ცნობილი გეგმით, მანიფესტს ადგილობრივები წაიკითხავენ. ამის შესახებ „ახალი თეატრის” სამხატვრო ხელმძღვანელმა, დავით დოიაშვილმა თბილისიდან გამგზავრების წინ განაცხადა. „ამ მანიფესტის მთავარი გზავნილი არის სოლიდარობა - სოლიდარობა ერთმანეთისვე მიმართ. მთავარი, რის გამოც ჩავდივართ, არის ის, რომ მათ მოვუსმინოთ”, - განაცხადა დოიაშვილმა. ღონისძიების ზუსტი დეტალები ჯერ უცნობია. აქამდე დაუზუსტებელი იყო დრო და ადგილიც. რადიო თავისუფლების ინფორმაციით, "ახალი თეატრის" დასი წარმოადგგენს ისეთივე სანახაობას, როგორიც ეს პროტესტის მონაწილეებს, თბილისში, 23 იანვარს შესთავაზა - სპექტაკლის - "მე გადავცურავ ზღვას" - ელემენტებით. გამომსვლელები კი, ვინც მანიფესტის ტექსტს წაიკითხავს, ადგილობრივები იქნებიან. три „ახალი თეატრის” საპროტესტო მანიფესტი ხვალ, 2 თებერვალს სამეგრელოში ჩავა. თეატრის რეგიონებში გასვლის შესახებ 23 იანვარს გახდა ცნობილი, როდესაც თბილისში, „ახალი თეატრის” მსახიობებმა და რეჟისორებმა, თეატრის წინ, სცენაზე - საქართველოში მიმდინარე მოვლენები გააპროტესტეს და უკანონოდ დაკავებული პირების, მათ შორის - „ახალი თეატრის“ მსახიობის, ანდრო ჭიჭინაძის გათავისუფლება მოითხოვეს. ასევე ნახეთ „როცა სიმართლე შენს მხარესაა, მაშინ გეძლევა ძალა“ - ანდრო ჭიჭინაძის საქმე დავით დოიაშვილმა 23 იანვარს აღნიშნა, რომ ეცადნენ „დიალოგი გამოენახათ“ პროკურატურასთან, თუმცა „პროკურატურამ ეს არ შეიმჩნია“. ანდრო ჭიჭინაძე საპატიმროში რჩება და „ახალი თეატრი“ სპექტაკლებს არ მართავს. უკვე ორ თვეზე მეტია, საქართველოში უწყვეტად იმართება პროევროპული აქციები ახალი არჩევნების ჩატარებისა და აქციებზე დაკავებული ადამიანების გათავისუფლების მოთხოვნით. ასევე ნახეთ "ახალი თეატრი" გადის რეგიონებში - დოიაშვილი ...