ვენესუელის პრეზიდენტმა, ნიკოლას მადურომ აშშ-ის პრეზიდენტის, დონალდ ტრამპის წარმომადგენელთან შეხვედრას დადებითი უწოდა. ეს მან განაცხადა მას მერე, რაც ვენესუელაში გაათავისუფლეს ამერიკის ექვსი მოქალაქე. თავისი მოქალაქეების გათავისუფლების შესახებ ცნობა გაავრცელა დონალდ ტრამპმა, რომელმაც სოციალურ ქსელში დაწერა: „ამ წუთში მაცნობეს, რომ ვენესუელიდან შინ ვაბრუნებთ ექვს მძევალს“. три ტრამპმა ცნობაში მადლობა გადაუხადა თავისი ადმინისტრაციის მაღალი რანგის მოხელეს, პრეზიდენტის წარმომადგენელს ვენესუელის საკითხებში, რიჩარდ გრენელს, რომელიც ვენესუელას სტუმრობდა. მადურომ დადებითად შეაფასა თავის უპრეცედენტო შეხვედრა გრენელთან და მოწოდება გამოთქვა, „აშშ-თან ურთიერთობის გადატვირთვისკენ“. მადუროს ამ განცხადების ფონზე აშშ-ს ის მესამე ვადით პრეზიდენტად არ უღიარებია. მადუროს მიერ გრენელის შეხვედრაზე მიწვევის წინ თეთრი სახლის პრესმდივანმა კეროლაინ ლივიტმა განაცხადა, რომ გრენელის ვიზიტი არ ნიშნავს, რომ ვაშინგტონი მადუროს ვენესუელის კანონიერ ლიდერად მიიჩნევს. ტრამპის მიერ თავის საგანგებო წარგზავნილად დანიშნული გრენელის ვიზიტი 31 იანვარს შედგა. Reuters-ის თანახმად, ის იყო ბევრი ვენესუელელისთვის შემაშფოთებელი, რადგან მათ იმედი ჰქონდათ, რომ ტრამპი მადუროს მთავრობაზე მაქსიმალური ზეწოლის პოლიტიკას გაატარებდა, როგორც ამას პირველი ვადით პრეზიდენტის პოსტზე ყოფნისას აკეთებდა. ასევე ნახეთ ვენესუელის ხელისუფლებამ ჯილდო დააწესა მადუროს მთავარი მეტოქის ედმუნდო გონსალესის შესახებ ინფორმაციისთვის ...