საქართველოს სისხლის სამართლის კოდექსით, „სტრატეგიული ან განსაკუთრებული მნიშვნელობის ობიექტის ხელში ჩაგდება ან ბლოკირება” ითვალისწინებს, მათ შორის - საპატიმრო სასჯელსაც - ორ წლამდე ვადით; ხოლო ჯგუფურად ჩადენილი იმავე ქმედებისთვის გათვალისწინებულია თავისუფლების აღკვეთა ვადით ორიდან ოთხ წლამდე. საზოგადოებრივმა ჯგუფებმა ავტომაგისტრალის გადაკეტვაზე ფიქრი მას შემდეგ დაიწყეს, რაც პროტესტის იმავე ფორმას დიდი რეზონანსი ჰქონდა სერბეთში, სადაც ასევე რამდენიმე თვეა, უწყვეტი პროტესტი მიმდინარეობს. პოსტიდან გადადგა ქვეყნის პრემიერ-მინისტრიც. 2 თებერვალს აქცია დაგეგმილია თბილისის შემოსასვლელში, სავაჭრო ცენტრ „თბილისი მოლთან”, აღმაშენებლის ხეივანზე. პროტესტის მონაწილეებს გზის რამდენიმე საათით გადაკეტვა აქვთ დაგეგმილი. ეს გეგმა ჯერ კიდევ რამდენიმე დღის წინ გახდა ცნობილი, მთავრობის დადგენილების შეცვლამდე. ასევე ნახეთ სერბეთი და საქართველო - ვადარებთ ორ პროტესტს, მიზნებს, საშუალებებს, შედეგებს 31 იანვარს, მთავრობის დადგენილება უკვე საკანონმდებლო მაცნეში გამოქვეყნდა. მთავრობის სხვა დადგენილებით, საერთაშორისო გზების ნუსხაშია საქართველოს საავტომობილო გზების არაერთი მონაკვეთი, მათ შორის - თბილისი-სენაკი-ლესელიძის საავტომობილო გზა. „ამ ცვლილებებით “ქართული ოცნება” ცდილობს შეზღუდოს პროტესტის ახალ-ახალი ფორმები, რაც გამოხატვის თავისუფლების შეზღუდვის მიზანმიმართული მცდელობაა”, - ეუბნება რადიო თავისუფლებას ახალგაზრდა იურისტთა ასოციაციის ყოფილი ხელმძღვანელი, ნიკა სიმონიშვილი და დადგენილებაში ასახულ ცვლილებას პირბადეების, პიროტექნიკისა თუ ლაზერული მანათობლების საკანონმდებლო აკრძალვების რიგში განიხილავს. ის რამდენიმე დღის წინ, მთავრობის ახალი დადგენილების გამოქვეყნებამდე, რადიო თავისუფლებასთან განმარტავდა, რომ ავტომაგისტრალის გადაკეტვა ვერ ჩაითვლებოდა სისხლის სამართლის დანაშაულად და თუკი აქციაზე ბევრი ხალხი შეიკრიბებოდა, სამართალდამცველებს ადმინისტრაციული წესით 5000-ლარიანი ჯარიმის გამოწერაც გაუჭირდებოდათ. ნიკა სიმონიშვილის თქმით, ახალმა დადგენილებამ შექმნა ხელოვნური საფუძველი, რომ „უსამართლო სასამართლოს” პირობებში, მაგისტრალის გადაკეტვისთვის ადამიანები სისხლის სამართლის წესით გაასამართლონ და დასაჯონ. იურისტი გურამ იმნაძე სოციალურ ქსელში წერს, რომ „ხელისუფლებამ მოახდინა ავტობანებზე შეკრება-მანიფესტაციების კრიმინალიზება”. „მთავრობას ეშინია პროტესტის, აქტივისტური ჯგუფების და ამ შიშის გამო, მზადაა, ავტორიტარიზმის ყველა ნიშან-თვისება დააკანონოს“, - აღნიშნულია ასევე იურისტის ფეისბუკპოსტში. три აქტივისტები აცხადებენ, რომ „თბილისი მოლთან“, 2 თებერვალს, 16:00 საათისთვის დაგეგმილი აქცია კვლავ ძალაშია. "არალეგიტიმური მთავრობის წარმომადგენლებს სრული პანიკა აქვთ. მოქალაქე...