აშშ-ის პრეზიდენტმა, დონალდ ტრამპმა განაცხადა, რომ ბრძანება გასცა, დაარტყან სომალიში ექსტრემისტული დაჯგუფების, “ისლამური სახელმწიფოს” “თავდასხმების ორგანიზატორს” - მაღალი რანგის წარმომადგენელს, რომელიც სხვებთან ერთად აფარებდა თავს აღმოსავლეთ აფრიკის ამ ქვეყანას. 1 თებერვლის ოპერაცია იყო პირველი სამხედრო აქცია, რომელიც ტრამპმა მოაწყო პრეზიდენტის მოვალეობის შესრულების შემდეგ 20 იანვარს. „ეს მკვლელები, რომლებსაც მივაგენით გამოქვაბულებში, საფრთხეს უქმნიდნენ აშშ-ს და ჩვენს მოკავშირეებს,“ - ნათქვამია ტრამპის განცხადებაში. „დარტყმის შედეგად განადგურდა გამოქვაბულები, სადაც ისინი ცხოვრობდნენ და დაიხოცა ბევრი ტერორისტი, სამოქალაქო მოსახლეობას არავითარი ზიანი არ მისდგომია.“ აშშ-ის თავდაცვის მინისტრმა, პიტ ჰეგსეტმა განაცხადა, რომ წინასწარი შეფასებით, თავდასხმის შედეგად მოკლული იქნა „რამდენიმე“ მებრძოლი. სამოქალაქო პირები არ დაშავებულან. სომალის პრეზიდენტმა, ჰასან შეიხ მოჰამუდმა განაცხადა, რომ მას აცნობეს საჰაერო დარტყმის შესახებ და „ღრმა მადლიერება გამოხატა აშშ-ის ურყევი მხარდაჭერის გამო ტერორიზმთან ერთობლივ ბრძოლაში.“ აფრიკის კონტინენტზე აშშ-ის ზოგიერთი კონტრტერორისტული მცდელობა შეიზღუდა, რადგან ჩადმა და ნიგერმა - ორმა ყოფილმა პარტნიორმა - მოითხოვეს აშშ-ს ძალების გასვლა მათი ტერიტორიიდან. რუსეთი ბოლო წლებში აფრიკის რეგიონში გავლენის გაფართოებას ცდილობს. ასევე ნახეთ ტრამპმა მაღალი საბაჟო ტარიფები დააწესა კანადიდან, მექსიკიდან და ჩინეთიდან შემავალ საქონელზე ...