პარტია "ახალის" ერთ-ერთი დამფუძნებელი და თავმჯდომარე, ნიკა მელია, რომელიც 2 თებერვალს თბილისი მოლთან გამართულ აქციაზე პოლიციამ დააკავა, უკვე თავისუფალია. პოლიციის შენობიდან გამოსვლის შემდეგ მან ტვ პირველთან საუბრისას თქვა, რომ პოლიციაში ისანი-სამგორის სამმართველოს ხელმძღვანელის მოადგილის, გიორგი ჩოქურის მხრიდან ფიზიკური ძალადობის სამიზნე გახდა. "სკამზე მჯდომ ადამიანს, ხელბორკილდადებულს, გიორგი ჩოქური წიხლს მირტყამს. ფიზიკურ ანგარიშსწორებაზე მეტია, პოლიციის შენობაში, დაკავებული ვარ - რა გვიკვირს, ნაწამები არიან ადამიანები, მაგრამ დაკავებულის ცემა როგორ შეიძლება. გამჭვირვალე შენობაში პოლიციის უფროსის მოადგილე იმას რომ ბედავს რომ დაკავებულ ადამიანს წიხლს უტყამს და საკუთარი თანამშრომლები რომ არა, რომლებიც სამართლიანობა მოითხოვს, შუაში ჩადგნენ..." - თქვა ნიკა მელიამ სამმართველოდან გამოსვლის შემდეგ. მისი აღწერით ეს იყო "ორტემპიანი შეტევა" პოლიციელის მხრიდან და ამ ფაქტს ადგილი ჰქონდა ისანი-სამგორის პოლიციის სამმართველოს მეორე სართულზე, საერთო სივრცეში, სადაც ოპერმუშაკები მუშაობენ და მათ გარდა სხვა არაერთი პოლიციელი იყო, რომლებმაც ჩოქური გააკავეს. ნიკა მელიას გარდა 2 თებერვალს საპროტესტო აქციაზე დააკავეს ყველაზე ცოტა, 25-მდე ადამიანი. მათ ნაწილს დაკავებისას ფიზიკურად გაუსწორდნენ. ასევე ნახეთ არაოფიციალური ცნობებით თბილისში აქციაზე 20-ზე მეტი ადამიანია დაკავებული - სია აქციის კადრებში ჩანს, როგორ უსწორდებიან პოლიციელები დაკავების შემდეგ მოქალაქეებს ე.წ. დაკავების მანქანებში ჩასმამდე. დაკავებების ნაწილს პირადად ხელმძღვანელობდა და რამდენიმე დაკავებულს ფიზიკურადაც გაუსწორდა განსაკუთრებულ დავალებათა დეპარტამენტის ხელმძღვანელი, აშშ-სა და დიდი ბრიტანეთის მიერ ადამიანის უფლებების სასტიკი დარღვევებისთვის დასანქცირებული ზვიად ხარაზიშვილი. რამდენიმე დღის წინ მიხეილ ყაველაშვილმა თავის მოადგილეებთან ერთად მიხეილ ყაველაშვილმა ღირსების მედლით დააჯილდოვა. თბილისი მოლთან 2 თებერვალს აქციის დაანონსების შემდეგ სახელმწიფომ დაჩქარებულად მიიღო კანონი, რომლითაც გზების გადაკეტვა სისხლის სამართლის კოდექსით დასჯადი ქმედება გახდა. აქციის დაწყებამდე შსს-მ ორჯერ გაავრცელა გამაფრთხილებელი განცხადება. ასევე ნახეთ "თბილისი მოლთან" აქციის მონაწილეები აღმაშენებლის ხეივანში მსვლელობას აწყობენ ...