2 თებერვალს თბილისის შემოსასვლელთან გამართულ აქციაზე პოლიციამ 20-ზე მეტი ადამიანი დააკავა. დაკავებულების შესახებ ოფიციალური ინფორმაცია შინაგან საქმეთა სამინისტროს არ გაუვრცელებია - ღია წყაროების, პარტიების "ცხელ ხაზზე" შესული შეტყობინებების და ახლობლების მიერ გავრცელებული ინფორმაციის მიხედვით, დაკავებულების არასრული სია ასეთია: დიმიტრი ბიძინაშვილი; ნიკა მელია; ალექსანდრე გოგოლაძე; ვასილ ელიავა; ლევან ასანიძე; ⁠კონსტანტინე კობერიძე; ირაკლი ტაბატაძე; მამუკა დიასამიძე; სანდრო ჩაფიძე; დავითი ბერიტაშვილი-ჭიტაძე; ზურაბ შონია; ნიკოლოზ ქუმსიაშვილი; ირაკლი წიგნაძე (უზი); გედევან კუპრავა; ნიკოლოზ კუტუბიძე; ⁠ბადრი გრიგალაშვილი; ⁠ლუკა სარიშვილი; ⁠ნიკოლოზ გველუკაშვილი (არასრულწლოვანია); დავით კაკაშვილი; ⁠ლევან ობოლაძე; ⁠ გურამ კაპანაძე; მარი კაპანაძე; გიგი უგულავა; ირაკლი ვეშაგურიძე. დაკავებული იყვნენ და მალევე გაათავისუფლეს პოლიტიკოსები თენგო თევზაძე და გიორგი კირთაძე. დაკავებიდან რამდენიმე საათში გაათავისუფლეს არასრულწლოვანი ნიკოლოზ გველუკაშვილიც. ვრცელდება ცნობა, რომ დაკავებულთა ნაწილი ნაცემია - აქციის კადრებშიც ჩანს, როგორ უსწორდებიან პოლიციელები მოქალაქეებს დაკავების შემდეგ, ე.წ. დაკავების მანქანებში ჩასმამდე. დაკავებების ნაწილს პირადად ხელმძღვანელობდა და რამდენიმე დაკავებულს ფიზიკურადაც გაუსწორდა განსაკუთრებულ დავალებათა დეპარტამენტის ხელმძღვანელი, აშშ-ისა და დიდი ბრიტანეთის მიერ ადამიანის უფლებების სასტიკი დარღვევებისთვის სანქცირებული ზვიად ხარაზიშვილი. რამდენიმე დღის წინ მიხეილ ყაველაშვილმა იგი, თავის მოადგილეებთან ერთად, ღირსების მედლით დააჯილდოვა. გავრცელებული ინფორმაციით, დაკავებულებიდან ნაცემი და ცემის შემდეგ ჰოსპიტალიზებულია ზუკა შონია. ვრცელდება ცნობები, რომ ნაცემია ბადრი გრიგალაშვილიც. ასევე ნახეთ ყაველაშვილმა ღირსების ორდენით დააჯილდოვა პოლიციის სანქცირებული მაღალჩინოსნები ვინაიდან შსს-ს დაკავებულების შესახებ ოფიციალური ინფორმაცია არ გაუვრცელებია, ბუნდოვანია, ისინი ადმინისტრაციული წესით დააკავეს თუ სისხლის სამართლის წესით. პოლიციასთან ჭყლეტაში მოხვდა სანდრო აბესაძე, რომელმაც აქციაზე გონება დაკარგა და ახლობლების ცნობით, კლინიკაში გადაყვანა დასჭირდა. ის კლინიკა "ვივამედშია" ჰოსპიტალიზებული. კლინიკაში სასწრაფო დახმარების მანქანით გადაიყვანეს ასევე "ტვ პირველის" ოპერატორი ნიკო კოკაია. აქციაზე ძალადობას და დემონსტრანტების დაკავებას 21:44-ზე განცხადებით გამოეხმაურა სახალხო დამცველი. დაკავებულთა რაოდენობის შესახებ ინფორმაცია არც ომბუდსმენს არ გაუვრცელებია, თუმცა აღნიშნა, რომ მნიშვნელოვანია, გამოძიებულ იქნას სამართალდამცველთა მხრიდან ძალის გადამეტებისა და დემონსტრანტების მიმართ არაადამიანური მოპყრობის შემთხვევ...