არასამთავრობო ორგანიზაცია "ახალგაზრდა იურისტთა ასოციაცია" განცხადებით ეხმაურება დღეს, 4 თებერვალს, პარლამენტის შენობასთან მიმდინარე საპროტესტო აქციაზე "მედიის წარმომადგენლებზე საპოლიციო ძალადობას". აქციაზე, რომელსაც მედიისა და სამოქალაქო საზოგადოების წარმომადგენლები მართავდნენ გამოცემების, "ბათუმელების" და "ნეტგაზეთის" პატიმრობაში მყოფი დამფუძნებლისა და დირექტორის, მზია ამაღლობელის სოლიდარობისა და მისი გათავისუფლების მოთხოვნით, პროფესიული საქმიანობის შესრულების დროს პოლიციელებმა ფიზიკური შეურაცხყოფა მიაყენეს ონლაინგამოცემა „პუბლიკის" ფოტორეპორტიორს, ნათია ლევერაშვილს, თავს დაესხნენ ასევე NEWS.On.ge-ს მთავარ რედაქტორს, ვანცენტ ხაბეიშვილს, რომელიც კვლევებისთვის კლინიკაში იმყოფება. три "აქციების კონტექსტში მედიის წარმომადგენლებს სისტემურად მიზანმიმართულად ესხმიან თავს, ხელს უშლიან პროფესიული საქმიანობის განხორციელებაში. ეს მიანიშნებს იმაზე, რომ საპოლიციო ძალებს აქვთ პირდაპირი ინტერესი, არ გაშუქდეს აქციები, ან/და მათი ძალადობრივი დარბევა და სხვა დარღვევები. მიგვაჩნია, რომ საპოლიციო ძალების მხრიდან ჟურნალისტების მიმართ ძალადობა და პროფესიულ საქმიანობაში ხელის შეშლა წახალისებულია სპეციალური საგამოძიებო სამსახურის არაეფექტიანი გამოძიებით და იმ დაუსჯელობის სინდრომით, რომელიც გაბატონებულია საპოლიციო ძალებში", - ნათქვამია საიას განცხადებაში. შსს-ში რადიო თავისუფლებას განუცხადეს, რომ აქციის ორი მონაწილე ადმინისტრაციული წესითაა დაკავებული. რადიო თავისუფლება ცდილობს ინფორმაციის მიღებას სპეციალური საგამოძიებო სამსახურისგან, დაიწყო თუ არა გამოძიება ჟურნალისტებზე ძალადობაზე. ასევე ნახეთ სულ ცოტა ორი ადამიანი დააკავეს პარლამენტის შენობასთან მიმდინარე აქციაზე ბოლო დროს მედიის წარმომადგენლების მიმართ პროფესიული მოვალეობის შესრულებისას არაერთი ძალადობის შემთხვევა იყო, მათ შორის პოლიციელებისა და მოძალადე ჯგუფების მხრიდან. "პუბლიკის" ჟურნალისტებზე, ალექსანდრე ქეშელაშვილსა და მინდია გაბაძეზე ძალადობის არცერთი შემთხვევა არ არის გამოძიებული. მინდია გაბაძე პოლიციელების მხრიდან გულგრილობის მსხვერპლი გახდა ერთ-ერთ აქციაზე, სადაც მას "ტიტუშკები" ფიზიკურად გაუსწორდნენ, ამ ინციდენტიდან რამდენიმე მეტრში მდგომმა პოლიციის ეკიპაჟმა კი მიმართვის მიუხედავად, დანაშაულის აღსაკვეთად არაფერი გააკეთა. ასევე ნახეთ წლის განმავლობაში ჟურნალისტებზე ძალადობისა და დაშინების 200-მდე შემთხვევა იყო - TI-საქართველო ე.წ. ტიტუშკები პირდაპირ ეთერში განსაკუთრებული სისასტიკით გაუსწორდნენ “ტელეკომპანია პირველის” ჟურნალისტს, მაკა ჩიხლაძესა და მის ოპერატორს, გიორგი შეწირულს. ასევე პირდაპირ ეთერში, სპე...