42
ეს ბოლო სამ დღეში „ქართული ოცნების“ დაანონსებული მეორე პაკეტია, რომელსაც წინ უძღოდა გამოხატვისა და შეკრებისა და მანიფესტაციის თავისუფლების შემზღუდავი საკანონმდებლო პაკეტის ინიციირება „ქართული ოცნების“ პარლამენტში. ასევე ნახეთ „სპონტანური აქციის“ წინასწარ შეთანხმება, ორმაგი ჯარიმები - რას მოიცავს შემზღუდავი ცვლილებები დღეს გამოცხადებული ცვლილებები, - რომლებიც პარტიის ერთ-ერთმა ლიდერმა მამუკა მდინარაძემ გააცნო საზოგადოებას, მოიცავს: „მედიის კანონს“; რუსული სტილის „აგენტების კანონის“ უფრო მკაცრ ვერსიას. ასევე, „ოცნებას“ შემოაქვს სხვა რამდენიმე ინიციატივა, მათ შორის იზღუდება საჯარო სექტორში დასაქმებულთათვის უცხოური დაფინანსების რაიმე სახით მიღება - ტრენინგებიც კი. მამუკა მდინარაძის განცხადებით, ცვლილებების მიღებას „ქართული ოცნება“ მომდევნო ორი თვის განმავლობაში გეგმავს. მოგვიანებით მან დააზუსტა, რომ მათი მიღება დაჩქარებული წესით არ იგეგმება: „ჩვენ დაახლოებით ორი, მაქსიმუმ სამი თვის განმავლობაში მოვახერხებთ ამ კანონების მიღებას“. „ქართული ოცნების“ ინიციატივები 5 თებერვალს ბრიფინგზე მამუკა მდინარაძემ წარადგინა. „მედიის კანონი“ „მუშაობას დავიწყებთ ხვალიდანვე და დაინიცირდება მედიის კანონი... რომლითაც დადგინდება მედიის ობიექტურობის, აგრეთვე ჟურნალისტური ეთიკის სტანდარტები“, - განაცხადა მამუკა მდინარაძემ 5 თებერვალს გამართულ ბრიფინგზე. მან თქვა, რომ ამ კანონს „ბრიტანული მოდელისა და კანონმდებლობის შესაბამისად“ მიიღებენ - „ბიბისის" სტანდარტად წოდებულ ნორმებს“. მისი თქმით, კანონით დადგინდება „მედიის ობიექტურობის, აგრეთვე ჟურნალისტური ეთიკის სტანდარტები“. ასევე განისაზღვრება „აღნიშნული სტანდარტების მონიტორინგის და დაცვის ინსტიტუციური მექანიზმები“. „შეიზღუდება მედიასაშუალების დაფინანსება უცხოური წყაროებიდან“, - განაცხადა მამუკა მდინარაძემ. „ბუნებრივია, ეს არ შეეხება კომერციული რეკლამებიდან მიღებულ და სხვა ამგვარ შემოსავლებს“, - დასძინა მან. ხელისუფლების წარმომადგენლები და მმართველი პარტიის ლიდერები 2023-24 წლებში აცხადებდნენ, რომ მედიის და არასამთავრობოების საქმიანობა არ იკრძალებოდა. თუმცა დონორების მიერ დაფინანსების აკრძალვა არაერთ მედიას აყენებს დახურვის რისკის წინაშე. ასევე ნახეთ სრული სიმართლე „აგენტების კანონზე“ „აგენტების კანონი“ - უკვე მესამედ „ქართულმა ოცნებამ“ ჯერ 2023 წელს ერთი მოსმენით მიიღო რუსული სტილის „აგენტების კანონი“, რომელიც საპროტესტო დემონსტრაციების შემდეგ გაიწვია. მოგვიანებით კი, 2024 წელს, კვლავ მიიღო იგი, - შეცვლილი სახელით. ამჯერად „ქართული ოცნება“ კანონის კიდევ უფრო მკაცრი ფორმით მიღებას აანონსებს. მამუკა მდინარაძე ამბობს, რომ 2024 წელს პარლამენტმა მიიღო „FARA-ს [აშშ-ის „უცხოეთის აგენტების...
