მათ შორის გიგი უგულავას, დიმიტრი ბიძინაშვილს, ირაკლი ტაბატაძეს, ირაკლი წიგნაძესა და ალექსანდრე გოგოლაძეს 5000-ლარიანი გირაო შეეფარდათ, ნიკოლოზ ქუმსიშვილს - 4000-ლარიანი, ვასილ ელიავასა და ნიკოლოზ კუტუბიძეს კი - 3500-ლარიანი. რვავე პირისთვის 5000-ლარიანი საპატიმრო გირაო პროცესზე პროკურატურამ მოითხოვა. ადვოკატები დაკავებულების გათავისუფლებას მოითხოვდნენ. არცერთი მათგანი თავს დამნაშავედ არ ცნობს. три სხდომაზე პროკურატურამ დააფიქსირა პოზიცია, რომ ბრალდებულები ცდილობდნენ სავალი ნაწილის ხელოვნურად გადაკვეთას, იყვნენ აგრესიულები პოლიციელებისადმი და არ ემორჩილებოდნენ მოწოდებას. პარტია "ახლის" წევრმა დიმიტრი ბიძინაშვილმა სხდომაზე განაცხადა, რომ არ ეთანხმება პროკურატურის მიერ წარდგენილ ბრალდებას და არ ცნობს თავს დამნაშავედ. ბიძინაშვილის სიტყვებით, იგი პოლიტიკური დევნის ობიექტია. "ვთვლი, რომ თავისუფლებისთვის ბრძოლა არაა დანაშაული, თავისუფლებისთვის ბრძოლა არის ჩვენი ისტორია. ჩვენი ისტორიის 99% არის თავისუფლებისთვის ბრძოლა, დამოუკიდებლობისთვის ბრძოლა, სახელმწიფოს შექმნისთვის ბრძოლა", - თქვა მან. სხდომაზე სიტყვით გამოვიდა კიდევ ერთი დაკავებული, ოპოზიციონერი პოლიტიკოსი, თბილისის ყოფილი მერი გიგი უგულავა: "მე არ ვაპირებ აქ ჩემზე ლაპარაკს. როგორ უნდა ვილაპარაკო ჩემზე? ჩვენ მაინც ნორმალურად ვართ - მზია ამაღლობელი უკვე სიცოცხლისთვის იბრძვის... ეს ბრძოლა არ გაჩერდება და ვერ გაჩერდება. ღმერთმა ნუ ქნას, რომ გაჩერდეს, მაშინ საქართველო აღარ იარსებებს. მეოთხე თუ მეხუთე პატიმრობაა, მაგრამ მაინც ბედნიერი ვარ. კიდევ რომ ციხეში მივდიოდეთ, შეგნებულად მივდივართ ამაზე იმიტომ, რომ აქ აღარ არსებობს, მეგობრებო, შიში. რისი შიში უნდა იყოს? აგერ, მზია კვდება და ჩვენ ორღერძულა ხაზზე ვილაპარაკოთ? არ გამოვა ეს ასე". три დაკავებულთა შორის ასევე არიან: ირაკლი წიგნაძე; კაცი, რომელსაც გასული წლის 11 მაისს, ღამით, ლეონიძის ქუჩაზე სამართალდამცავები ფიზიკურად გაუსწორდნენ. ირაკლი ტაბატაძე; ნიკოლოზ კუტუბიძე - თბილისის სახელმწიფო უნივერსიტეტის სტუდენტი; ვასილ ელიავა; ნიკოლოზ ქუმსიშვილი; ალექსანდრე გოგოლაძე; სისხლის სამართლის კოდექსის 19-222-ე მუხლით, მათ ოთხ წლამდე პატიმრობა ემუქრებათ. პროევროპული აქციების 67-ე დღეს, თბილისის ერთ-ერთ გასასვლელთან, „თბილისი მოლის“ მიმდებარე ტერიტორიაზე მოქალაქეები შეიკრიბნენ. ისინი კვლავ ახალი არჩევნების ჩატარებასა და აქციებზე დაკავებული ადამიანების გათავისუფლებას მოითხოვდნენ. ამ დღეს პოლიციამ სავაჭრო ცენტრთან და სანაპიროზე 31 ადამიანი დააკავა ადმინისტრაციული წესით (173-ე, მოთხოვნისადმი დაუმორჩილებლობის მუხლით). ასევე ნახეთ 2 თებერვლის საპროტესტო აქციაზე დაკავებულ მომიტინგეებს სასამართლომ ჯარიმები დააკისრა ...