თეატრ-სახელოსნო 42-ში ჩატარებულ სადამფუძნებლო ყრილობაზე ასამბლეის წევრებმა განაცხადეს, რომ მათ ჩამოაყალიბეს "თვითორგანიზებული და მოხალისეობრივი გაერთიანება, რომელსაც მმართველი ორგანო არ ჰყავს". "ასამბლეა იქმნება საზოგადოების გაერთიანების პროცესის დაჩქარების, შეთანხმებული საზოგადოებრივი დაკვეთის მკაფიოდ ფორმულირების და საზოგადოებრივ-პოლიტიკურ პროცესებზე დადებითი გავლენის მიზნით", - თქვა სიტყვით გამოსვლისას პაატა ციკოლიამ, ასამბლეის ერთ-ერთმა დამფუძნებელმა. ასევე ნახეთ ციხე თანამდებობის პირის შეურაცხყოფისთვის - რიგში ახალი კანონია ასამბლეის წარმომადგენლების თანახმად, ამ ეტაპზე მათ შეუერთდა 25-ზე მეტი ინტერესჯფუფი და 3000-ზე მეტი ადამიანი, მათ შორის არიან სტუდენტები, იურისტები, ემიგრანტები, მასწავლებლები, მცირე მეწარმეები, კულტურის სფეროს წარმომადგენლები, სოციალური მუშაკები და არამხოლოდ. ასამბლეის დამფუძნებელი ყრილობა "საქართველოს საზოგადოებრივი ასამბლეის მიზანია: სუვერენიტეტის დაბრუნება საქართველოს მოქალაქეებისთვის და დემოკრატიული სახელმწიფო მმართველობის ჩამოყალიბების ხელშეწყობა", - თქვა სიტყვით გამოსვლისას ქეთი არჯევანიძემ, ასამბლეის საორგანიზაციო და საინიციატივო ჯგუფის წევრმა. მისი თქმით, ამ მიზნების მისაღწევად, ასამბლეის ამოცანებს შორის იქნება სამართლიანი არჩევნების მხარდაჭერა, აქციების დროს უსამართლოდ დაკავებულების გათავისუფლება და საქართველოს ევროპული ინტეგრაციის ხელშეწყობა. ასევე ნახეთ "ტინდერის ასლარიანო ბოზებო", - პოლიციელების უხამსობა და ძალადობა ქალ დემონსტრანტებზე "ასამბლეაში გაწევრიანება შეუძლია ყველა ინტერესჯგუფს, ვინც იზიარებს მის პრინციპებს", - თქვა ქეთი არჯევანიძემ, რომლის თანახმად, ასამბლეამ თითოეულ მოქალაქეს უნდა მისცეს საზოგადოებრივ ცხოვრებაში ჩართვის მექანიზმი. ასამბლეის მორიგი ყრილობა ზუსტად ერთ კვირაში, 15 თებერვალს ჩატარდება. ასევე ნახეთ „აცვენილი“, „ავარდნილი“ „ატეხილი“ - როგორ „თარგმნის“ პოლიტიკა სიტყვებს ქალების წინააღმდეგ ასევე ნახეთ „მოუ***ნელი“, „აწყვეტილი“, „გასუქებული“ - სექსისტური ენა და გამოგონილი ამბები ქალების წინააღმდეგ ...