ორგანიზაციის ადვოკატებმა სადიგოვი, დღეს 10 თებერვალს მოინახულეს, N18 ბრალდებულთა და მსჯავრდადებულთა სამკურნალო დაწესებულებაში. მათი განცხადებით. "მოშიმშილე ჟურნალისტი კვლავ არ იღებს წყალს და ორგანიზმისთვის საჭირო დანამატებს, რაც მისი ჯანმრთელობის შენარჩუნებისთვის უკიდურესად აუცილებელია. აფგან სადიგოვს უკვე უჭირს საუბარი და ეტლის მეშვეობით გადაადგილება, პერიოდულად კი აქვს გონების დაკარგვის ეპიზოდები." აფგან სადიგოვმა 2025 წლის 2 თებერვალს, ხანგრძლივი შიმშილობის შემდეგ, აბსოლუტური შიმშილობა გამოაცხადა და უარი თქვა წყლის მიღებაზე. "6 თებერვალს, ოჯახის თხოვნითა და ადვოკატების რეკომენდაციით, აფგან სადიგოვმა თანხმობა განაცხადა წყლის მიღებაზე, თუმცა ამ ეტაპზე ის პროტესტის ნიშნად კვლავ არ იღებს არც წყალს და არც ორგანიზმისთვის საჭირო დანამატებს, რომელიც მას პერიოდულად მისი თანხმობით, გადასხმის მეშვეობით მიეწოდებოდა", - ნათქვამია "სოციალური სამართლიანობის ცენტრი"-ის მიერ გავრცელებულ განცხადებაში. აფგან სადიგოვი უკვე 143 დღეა შიმშილობს. ასევე ნახეთ ორი მოშიმშილე ჟურნალისტი ქართულ ციხეში - შეუძლია სისტემას, მათ ჭამა აიძულოს? სოციალური სამართლიანობის ცენტრი მოუწოდებს საქართველოს სახალხო დამცველს შექმნას სპეციალური მულტიდისციპლინური კომისია, რომელიც აფგან სადიგოვის მდგომარეობის რეგულარულ მონიტორინგს განახორციელებს და ასევე გააძლიეროს პატიმართან სახელმწიფოს მედიაციისა და ფსიქო-სოციალური მხარდაჭერის პროცესი. რადიო თავისუფლება სახალხო დამცველის ოფისს დაუკავშირდა, იმისა გასარკვევად, მიიღებენ თუ არა მხედველობაში მიმართვას. როგორც ომბუდსმენის ოფისში განმარტავენ, სადიგოვის ჯანმრთელობის მდგომარეობას ზედამხედველობას უწევს სახალხო დამცველის ექიმი, საჭიროების შემთხვევაში უწყებას ექნება დამატებითი რეაგირება, 6 თებერვალს საქართველოს სახალხო დამცველმა ექიმთა ჯგუფი შექმნა მზია ამაღლობელის საქმეზე. ონლაინგამოცემების "ბათუმელებისა" და "ნეტგაზეთის" დამფუძნებელი და დირექტორი მზია ამაღლობელი რომელიც დაპატიმრების შემდეგ 30 დღეა შიმშილობს, კლინიკა "ვივამედშია" მოთავებული. სამედიცინო კონსილიუმის შექმნის პრაქტიკა სახალხო დამცველს მანამდეც. ჰქონდა. სამედიცინო კონსილიუმი წინა ომბუდსმენის, ნინო ლომჯარიას ინიციატივითაც შეიქმნა 2021 წლის 21 ნოემბერს, პატიმრობაში მყოფი ექსპრეზიდენტის მიხეილ სააკაშვილის შიმშილობის 47-ე დღეს, როდესაც მისი ჯანმრთელობის მდგომარეობის შესახებ ურთიერთგამომრიცხავი ცნობები ვრცელდებოდა. ასევე ნახეთ სტრასბურგის სასამართლომ საქართველოს აფგან სადიგოვის აზერბაიჯანში ექსტრადიცია აუკრძალა - "სოციალური სამართლიანობის ცენტრი" სადიგოვის უფლებადამცველები მიმართავენ იუსტიციის მინ...