კანონპროექტის განმარტებით ბარათში ვკითხულობთ, რომ სააგენტოს მიზანი იქნება საქართველოს ბიუჯეტით საქართველოში მოქმედი საზოგადოებრივი ორგანიზაციების მხარდაჭერა, "რომელთა საქმიანობის მიმართულებები თანხვედრაში იქნება ქვეყნის განვითარების პრიორიტეტულ მიმართულებებთან". ცვლილებით, [ხელახალი რედაქციით ყალიბდება კანონის მე-3 მუხლის პირველი პუნქტის „გ“ ქვეპუნქტი], გარდა იმისა, რომ საჯარო სამართლის იურიდიულ პირს საზოგადოებრივი ორგანიზაციების მხარდაჭერა დაევალება, ამავე მიზნით გრანტების გაცემის შესაძლებლობაც ექნება. ამასთან, პროექტის მიხედვით, კანონს დაემატება ნორმა, რომლის თანახმად, საჯარო სამართლის იურიდიულ პირის ხელმძღვანელს საზოგადოებრივი ორგანიზაციების მხარდაჭერის მიზნებისთვის ექნება როგორც ნორმატიული ხასიათის, ასევე ინდივიდუალური ადმინისტრაციულ-სამართლებრივი აქტის გამოცემის უფლებამოსილება. კანონპროექტის განმარტებით ბარათში ასევე წერია, რომ სახელმწიფო გრანტის მართვის სააგენტოში, რომელიც სახელმწიფო ბიუჯეტიდან დაფინანსდება, დასაქმდება დაახლოებით 10 პირი. არასამთავრობო ორგანიზაციების სახელმწიფოს მხრიდან დაფინანსების ინიციატივაზე ირაკლი კობახიძემ ჯერ კიდევ 2024 წლის სექტემბერში განაცხადა. მაშინ მან თქვა, რომ სახელმწიფო საგრანტო პროგრამას შექმნის. „მივიღეთ გადაწყვეტილება, ქართული არასამთავრობო ორგანიზაციებისთვის დავაფუძნოთ საგრანტო პროგრამა, რომელიც სრულად ქართველი გადასახადის გადამხდელის ფულით, საქართველოს სახელმწიფო ბიუჯეტიდან დაფინანსდება... რეგისტრაციას არ ერიდებიან უცხოური დაფინანსებით მოქმედი არასამთავრობო ორგანიზაციები, რომლებიც საქართველოში არც პოლიტიკური დღის წესრიგის შექმნას ცდილობენ, არც რევოლუციური გეგმების რეალიზებაში მონაწილეობენ, არც ქვეყნის რელიგიური იდენტობის შერყევას ცდილობენ, არც ლგბტ პროპაგანდით არიან დაკავებული და არც სტრატეგიული ეკონომიკური ობიექტების მშენებლობისთვის ქმნიან ხელოვნურ დაბრკოლებებს“, - თქვა 2024 წლის 9 სექტემბერს ირაკლი კობახიძემ. ასევე ნახეთ კობახიძის თქმით, არასამთავრობიებისთვის სახელმწიფო გრანტს გამოყოფს „ქართული ოცნების" საპარლამენტო უმრავლესობამ ე.წ. აგენტების კანონი (უცხოური გავლენის გამჭვირვალობის შესახებ) 2024 წლის გაზაფხულზე მიიღო, საქართველოში საპროტესტო აქციების და აშშ-ის, ევროკავშირის სახელმწიფოებისა და საერთაშორისო ორგანიზაციების, მათ შორის ევროსაბჭოს მოწოდებების მიუხედავად, უარი ეთქვა ამ კანონზე. მას ვეტო დაადო პრეზიდენტმა სალომე ზურაბიშვილმა. ასევე ნახეთ სრული სიმართლე „აგენტების კანონზე“ 2024 წლის 21 მაისს გამოქვეყნებული დასკვნით, ევროსაბჭოს ვენეციის კომისიამ საქართველოს ხელისუფლებას „მტკიცედ ურჩია“, გაეუქმებინა სამი მოსმენით მიღებული კანონი მისი „ფუნდამენტური ხარვ...