ლაშა გაბიტაშვილი, რომელსაც იანვარში აბუ-დაბის ერთ-ერთ სასტუმროში ფიზიკურად დაუპირისპირდნენ „ქართული ოცნების“ წარმომადგენლები ირაკლი ზარქუა, ვიქტორ სანიკიძე და სხვები, აცხადებს, რომ თბილისში დღეს დილით თავს დაესხა სამი ნიღბიანი პირი. სოციალური ქსელებით გავრცელებულ ვიდეოში გაბიტაშვილი ამბობს, რომ ნიღბიანი პირები თავს მაშინ დაესხნენ, როცა სახლთან ძაღლს ასეირნებდა და სცემეს. ლაშა გაბიტაშვილს სახეზე დაზიანებები ეტყობა. три „ვერავის ვერ შეაშინებთ, ვერავის საერთოდ. დროა, რომ ახალი არჩევნები ჩაინიშნოს და ის ხალხი, ვინც ციხეშია, გამოუშვათ... ჩვენ აქ ვცხოვრობთ და ვიცხოვრებთ და ეგ ხალხი გაიქცევიან“, - ამბობს გაბიტაშვილი. შემთხვევის ადგილზე მივიდა პოლიცია და სასწრაფო დახმარების ჯგუფი. „აბუ-დაბიში რაც თვითონ ვერ შეასრულეს, გამოგზავნეს შემსრულებლები. დაშინება უნდათ, მაგრამ ვერ დაგვაშინებენ“, - თქვა მოგვიანებით ლაშა გაბიტაშვილმა „TV პირველთან“ საუბრის დროს. ასევე ნახეთ "ყოველთვის გაეცემათ პასუხი" - ზარქუა და სანიკიძე გაბიტაშვილზე თავდასხმაზე ინციდენტში, რომელიც 13 იანვარს მოხდა აბუ-დაბის სასტუმრო „რედისონის“ რესტორანში, ფიგურირებდნენ ლაშა გაბიტაშვილი და „ქართული ოცნების“ დეპუტატები ირაკლი ზარქუა, ვიქტორ სანიკიძე, გელა სამხარაული, გოჩა ენუქიძე და მათი თანმხლები გიორგი გოგოლაძე. ერთი დღით ადრე, ლაშა გაბიტაშვილმა ირაკლი ზარქუას მოღალატე უწოდა და აგინა. 13 იანვარს მას ფიზიკურად გაუსწორდნენ. ფიზიკური დაპირისპირების მონაწილეები პოლიციამ დააკავა, რის შემდეგაც აბუ-დაბის სასამართლომ დააჯარიმა. ასევე ნახეთ ზარქუა: ჯარიმა გამოიწერა, ამ 3-4 ათას დოლარს გადავიხდი, რამენაირად მოვახერხებ ასევე ნახეთ საამიროების სასამართლო სისტემა იყო სამართლიანი, ეფექტური, დამოუკიდებელი - ლაშა გაბიტაშვილი საქართველოში პროტესტი გამოიწვია „ქართული ოცნების“ მთავრობის გადაწყვეტილებამ, 2028 წლის ბოლომდე დღის წესრიგში აღარ დააყენოს ევროკავშირში გასაწევრიანებლად მოლაპარაკებების გახსნის საკითხი. 2024 წლის 28 ნოემბრიდან მიმდინარე საპროტესტო აქციების მონაწილეები მოითხოვენ უკანონოდ დაპატიმრებული დემონსტრანტების გათავისუფლებას და ახალ საპარლამენტო არჩევნებს. აქციების მიმდინარეობისას არაერთ აქტივისტს და ჟურნალისტებსაც სამართალდამცავების გარდა, ფიზიკურად გაუსწორდნენ გამოძიების მიერ დღემდე დაუდგენელი ნიღბიანი პირებიც. ...