ლაშა გაბიტაშვილი საზოგადოებამ რამდენიმე კვირის წინ გაიცნო, როცა მას დაუპირისპირდნენ „ქართული ოცნების“ წარმომადგენლები ირაკლი ზარქუა და ვიქტორ სანიკიძე. „შემოიყვანა სასწრაფო დახმარების ჯგუფმა... შემოსვლისას ჩაუტარდა კვლევები ნეიროქირურგის, ტრავმატოლოგის, ყბა-სახის ქირურგის მიერ. ჩაუტარდა თავის ტვინის კომპიუტერული ტომოგრაფია. პაციენტს აღენიშნება თავის ტვინის შერყევა, ჩვენ შევთავაზეთ ჰოსპიტალიზაცია, თუმცა აცხადებს უარს“, - თქვა ექიმმა. три თავდასხმის შემდეგ გაბიტაშვილმა გაავრცელა ვიდეო, რომელშიც თქვა, რომ თავდამსხმელებს სახეზე ნიღბები ეკეთათ. „აბუ-დაბიში რაც თვითონ ვერ შეასრულეს, გამოგზავნეს შემსრულებლები. დაშინება უნდათ, მაგრამ ვერ დაგვაშინებენ“, - თქვა მოგვიანებით ლაშა გაბიტაშვილმა. ასევე ნახეთ ლაშა გაბიტაშვილი აცხადებს, რომ სახლთან თავს დაესხა სამი ნიღბიანი შინაგან საქმეთა სამინისტრომ გამოძიება დაიწყო ჯგუფური ძალადობის (სისხლის სამართლის კოდექსის 126-ე) მუხლით. მოგვიანებით „ხალხის ძალის“ ერთ-ერთმა წევრმა გურამ მაჭარაშვილმა თქვა, რომ ლაშა გაბიტაშვილი მსხვერპლად წარმოაჩენს თავს: „როდესაც შენ ხარ პროვოცირების საგანი, როდესაც შენ პროვოცირებ, შეურაცხყოფას შენ აყენებ, შენ გაქვს ბულინგის მცდელობა, რა თქმა უნდა, სასურველი არ არის, რომ ეს ფიზიკურ ანგარიშსწორებაში გადაიზარდოს, მაგრამ გამოდის, რომ შენ ამას ძალით იწვევ და შემდეგ გინდა, საზოგადოებას მსხვერპლად მოაჩვენო თავი“. ასევე ნახეთ "ყოველთვის გაეცემათ პასუხი" - ზარქუა და სანიკიძე გაბიტაშვილზე თავდასხმაზე უფრო ადრინდელ ინციდენტში, რომელიც 13 იანვარს მოხდა აბუ-დაბის სასტუმრო „რედისონის“ რესტორანში, ფიგურირებდნენ ლაშა გაბიტაშვილი და „ქართული ოცნების“ დეპუტატები ირაკლი ზარქუა, ვიქტორ სანიკიძე, გელა სამხარაული, გოჩა ენუქიძე და მათი თანმხლები გიორგი გოგოლაძე. ერთი დღით ადრე, ლაშა გაბიტაშვილმა ირაკლი ზარქუას მოღალატე უწოდა და აგინა. 13 იანვარს მას ფიზიკურად გაუსწორდნენ. ფიზიკური დაპირისპირების მონაწილეები პოლიციამ დააკავა, რის შემდეგაც აბუ-დაბის სასამართლომ დააჯარიმა. ასევე ნახეთ ზარქუა: ჯარიმა გამოიწერა, ამ 3-4 ათას დოლარს გადავიხდი, რამენაირად მოვახერხებ ასევე ნახეთ საამიროების სასამართლო სისტემა იყო სამართლიანი, ეფექტური, დამოუკიდებელი - ლაშა გაბიტაშვილი საქართველოში პროტესტი გამოიწვია „ქართული ოცნების“ მთავრობის გადაწყვეტილებამ, 2028 წლის ბოლომდე დღის წესრიგში აღარ დააყენოს ევროკავშირში გასაწევრიანებლად მოლაპარაკებების გახსნის საკითხი. 2024 წლის 28 ნოემბრიდან მიმდინარე საპროტესტო აქციების მონაწილეები მოითხოვენ უკანონოდ დაპატიმრებული დემონსტრანტების გათავისუფლებას და ახალ საპარლამენტო არჩევნებს. აქციების მიმდინარეობისას არაერთ აქ...