აშშ-ის სახელმწიფო დეპარტამენტის ინფორმაციით, კელოგის ვიზიტების ამოცანაა, ხელი შეუწყოს პრეზიდენტ ტრამპის მიზანს უკრაინაში მშვიდობის უზრუნველსაყოფად. სახელმწიფო დეპარტამენტის თანახმად, კით კელოგი მიუნხენში მონაწილეობას მიიღებს უსაფრთხოების საერთაშორისო კონფერენციაში, ბრიუსელში, ნატოს და ევროკავშირის შტაბ-ბინებში შეხვედრებს გამართავს ევროპელ მოკავშირეებსა და პარტნიორებთან, უკრაინაში კი შეხვდება ხელისუფლების წარმომადგენლებს და კერძო პირებს, რომლებიც თითქმის სამი წელია ომს მამაცურად უძლებენ. ასევე ნახეთ ტრამპი ტელეფონით ესაუბრა პუტინს და ზელენსკის 12 თებერვალს კიევში გაიმართა უკრაინის პრეზიდენტ ვოლოდიმირ ზელენსკის და აშშ-ის ფინანსთა მინისტრ სკოტ ბესენტის შეხვედრა. პრეზიდენტ დონალდ ტრამპის ადმინისტრაციას უკრაინის დახმარების სანაცვლოდ ქვეყნის ბუნებრივ რესურსებზე წვდომა სურს. ბესენტთან შეხვედრის შემდეგ ზელენსკიმ განაცხადა, რომ მოსკოვს არ უნდა მისცენ უკრაინაზე კონტროლის შესაძლებლობა, რასაც თავისუფალი სამყაროს ერთობლივი მუშაობა სჭირდება. უკრაინის პრეზიდენტის ინფორმაციით, აშშ-ის ფინანსთა მინისტრთან განიხილეს უკრაინის რესურსების პოტენციალი, უსაფრთხოების ეკონომიკური გარანტიები და ეკონომიკური პარტნიორობის დოკუმენტის მომზადება. ზელენსკის თანახმად, განიხილეს ამერიკული მხარის წინადადებები, ძლიერ გარიგებაზე მუშაობენ და იმედი აქვთ, რომ პროგრესს მიაღწევენ უკვე მიუნხენის უსაფრთხოების კონფერენციაზე, რომელიც ამ კვირაში გაიმართება. ასევე ნახეთ უკრაინას ამერიკული იარაღი სჭირდება. ტრამპს სანაცვლოდ იშვიათი მინერალები სურს 12 თებერვალს აშშ-ის პრეზიდენტი დონალდ ტრამპი ტელეფონით ესაუბრა რუსეთის პრეზიდენტ ვლადიმირ პუტინს და უკრაინის პრეზიდენტ ვოლოდიმირ ზელენსკის. იმავე დღეს, ტრამპმა ჟურნალისტებს განუცხადა, რომ პუტინს შესაძლოა, საუდის არაბეთში შეხვდეს. 12 თებერვალს ღამით გამოქვეყნდა გერმანიის, საფრანგეთის, პოლონეთის, ესპანეთის, იტალიის, დიდი ბრიტანეთისა და უკრაინის საგარეო საქმეთა მინისტრების, საგარეო და უსაფრთხოების პოლიტიკის საკითხებში ევროკავშირის უმაღლესი წარმომადგენლის და ევროკომისიის ერთობლივი განცხადება, რომელშიც ნათქვამია, რომ უკრაინა და ევროპა უნდა მონაწილეობდნენ ნებისმიერ მოლაპარაკებაში, რომელიც უკრაინას ეხება. ასევე ნახეთ ევროპის სახელმწიფოები მოითხოვენ უკრაინის შესახებ მოლაპარაკებებში მონაწილეობას 12 თებერვალს აშშ-ის თავდაცვის მინისტრმა პიტ ჰეგსეთმა განაცხადა, რომ უკრაინის დაბრუნება 2014 წლამდე არსებულ საზღვრებში არარეალისტური მიზანია, ისევე, როგორც ნატოში უკრაინის გაწევრება. ჰეგსეთი ბრიუსელში, ნატოს შტაბ-ბინაში დაესწრო უკრაინის დასახმარებლად პრეზიდენტ ბაიდენის ადმინისტრაციის ინიციატივით 2022 წელს შექმნილი საკონტაქტო ჯ...