ინფორმაცია გამოქვეყნებულია შემოსავლების სამსახურის ვებსაიტზე, მედიასაშუალებებს შორის ეს ინფორმაცია პირველმა BMG-მ გაავრცელა. ნახატები, რომელთა სასაქონლო კოდიც 97012100000-ია, საქართველოში შემოვიდა: დიდი ბრიტანეთიდან - $252 703 924 ღირებულების (გადასატანი ყუთის წონა 1432 კგ); აშშ-დან - $167 600 406 ღირებულების (გადასატანი ყუთის წონა 4698,5 კგ); გერმანიიდან - $417 524 ღირებულების (გადასატანი ყუთის წონა 398 კგ). იმავე სასაქონლო კოდით საქართველოში 2024 წლის 11 თვეში მხოლოდ 1,03 მილიონი დოლარის ნახატები შემოვიდა. რადიო თავისუფლებამ პარტია „ქართული ოცნების“ პრესსამსახურს ჰკითხა, ეკუთვნის თუ არა საქართველოში იმპორტირებული ძვირადღირებული ნახატები ბიძინა ივანიშვილს. პასუხის მიღების შემთხვევაში, ტექსტი განახლდება. ივანიშვილს აშშ-მა სანქციები 2024 წლის 27 დეკემბერს დაუწესა, მისმა ოჯახმა კი ოფშორულ ზონებში რეგისტრირებული კომპანიების გადმოტანისთვის საჭირო პროცედურები ამის შემდეგ რამდენიმე დღეში, 31 დეკემბერს, დაიწყო. ოფშორული აქტივების საქართველოში გადმოტანა უკვე დაწყებულია. ივანიშვილის ოჯახმა წილები ოთხი ოფშორული კომპანიიდან (Visalia Enterprises Limited (ბელიზი) 2) Gilmar Holding Limited (ბელიზი) 3) Fresno Management Limited (ბელიზი) 4) Limestone Finance International SA (პანამა)) გადმოიტანა საქართველოში. ასევე ნახეთ ბიძინა ივანიშვილის ოჯახმა ოფშორული აქტივების საქართველოში გადმოტანა დაიწყო აშშ-მა ბიძინა ივანიშვილს სანქცია დაუწესა დემოკრატიული ინსტიტუტებისთვის ძირის გამოთხრისთვის, ადამიანის უფლებათა დარღვევისა და ფუნდამენტური თავისუფლებების დაცვის ხელშეშლისთვის. გაერთიანებული სამეფოს თემთა პალატაში შეტანილია წინადადება, რომლითაც ქვეყნის აღმასრულებელ ხელისუფლებას მოუწოდებენ, დაუწესონ სანქციები ბიძინა ივანიშვილს. ასევე ნახეთ აშშ-ის სახაზინო დეპარტამენტმა ბიძინა ივანიშვილს სანქციები დაუწესა | ყველა დეტალი ერთად საქართველოს პარლამენტმა გასულ წელს მიიღო „ოფშორების კანონი“, რომელიც 2024 წლის 4 ივნისიდან ამოქმედა. კანონმა უცხოური საწარმოს ყველა აქტივის (მათ შორის, წილის/აქციის) საქართველოს საწარმოსთვის გადაცემის შემთხვევაში, კომპანია საშემოსავლო და მოგების გადასახადისგან ერთჯერადად გაათავისუფლა. ხელისუფლების ოპონენტები მაშინ ამბობდნენ, რომ კანონი „ქართული ოცნების“ საპატიო თავმჯდომარის, ბიძინა ივანიშვილის ინტერესებს ერგებოდა. საკანონმდებლო ცვლილებებს ისინი სანქციების მიმართ გაზრდილ მოლოდინს უკავშირებდნენ. ასევე ნახეთ საქართველოს ოფშორებში შენახული სიმდიდრის „გადმოქაჩვა“ უნდა, ვინ იხეირებს? გიორგი ბაჩიაშვილი, წლების განმავლობაში ბიძინა ივანიშვილის ნდობით აღჭურვილი პირი, „თანაინვესტირების ფონდის“ ყოფილი ხელმძღვანელი ამ...