თვითმფრინავი, რომლითაც ამერიკის შეერთებული შტატების სახელმწიფო მდივანი მარკო რუბიო გერმანიაში მიემგზავრებოდა, ტექნიკური პრობლემის გამო ვაშინგტონში დაბრუნდა. ინციდენტი 13 თებერვალს, გვიან საღამოს მოხდა. ამერიკული მედიასაშუალებების ცნობით, თვითმფრინავში იმყოფებოდა სენატის საგარეო ურთიერთობათა კომიტეტის თავმჯდომარე ჯიმ რიშიც. დელეგაცია მიუნხენში მიემგზავრებოდა უსაფრთხოების საერთაშორისო კონფერენციაში მონაწილეობისთვის. სახელმწიფო დეპარტამენტის პრესმდივნის, ტემი ბრიუსის ინფორმაციით, თვითმფრინავში მექანიკური პრობლემა წარმოიშვა, რის გამოც ვაშინგტონის მახლობლად მდებარე ენდრიუსის სამხედრო ბაზაზე დაბრუნდნენ და სახელმწიფო მდივანი გერმანიაში სხვა თვითმფრინავით გაემგზავრება. ასევე ნახეთ ტრამპმა მიუნხენში მოსკოვის, კიევისა და ვაშინგტონის "მაღალი რანგის" წარმომადგენლების შეხვედრა გამოაცხადა სააგენტო Associated Press-ის წყაროს თანახმად, პილოტების კაბინის წინა ფანჯარასთან დაკავშირებული პრობლემა ენდრიუსის ბაზიდან თვითმფრინავის გაფრენიდან დაახლოებით 90 წუთში წარმოიშვა. დღეს, 14 თებერვალს, სახელმწიფო მდივან მარკო რუბიოს მიუნხენში შეხვედრა აქვს დაგეგმილი უკრაინის პრეზიდენტ ვოლოდიმირ ზელენსკისთან. ...