უკრაინის პრეზიდენტი ვოლოდიმირ ზელენსკი აცხადებს, რომ დღესდღეობით საუბარი არ არის სამშვიდობო შეთანხმებაზე, რადგან ასეთი შეთანხმება უნდა იყოს მხოლოდ ომის დასრულების გეგმა. უკრაინის პრეზიდენტი სიტყვით გამოვიდა მიუნხენის უსაფრთხოების კონფერენციის პანელზე: "სტრატეგიული ინვესტიციები: უსაფრთხოების სფეროში უკრაინა-ამერიკის თანამშრომლობის მომავალი". სიტყვაში ზელენსკიმ ხაზი კიდევ ერთხელ გაუსვა სამშვიდობო შეთანხმების პროცესში აშშ-ის როლს და განაცხადა, რომ პუტინის გარდა არც ერთ რუს პოლიტიკოსთან არ აპირებს შეხვედრას. "დღეს ჩვენ არ ვსაუბრობთ სამშვიდობო შეთანხმებაზე და არ არის საჭირო შუამავლების ძიება უკრაინასა და პუტინს შორის. ჩვენ გვჭირდება ძლიერი ქვეყნის, შეერთებული შტატების და ძლიერი პრეზიდენტის ტრამპის ძლიერი მხარდაჭერა. ჩვენ გვჭირდება მისი მხარდაჭერა და მისი ჩვენს მხარეზე ყოფნა... რუსებს არ შევხვდები. არ ვიცი, მოეწონებათ თუ არა... მე მხოლოდ პუტინს შევხვდები. მხოლოდ მას შემდეგ, რაც ტრამპთან ერთად მოვამზადებთ საერთო გეგმას, რათა პუტინმა შეწყვიტოს ომი. მხოლოდ ამ შემთხვევაში შევხვდები. კომპრომისების არანაირი სხვა პლატფორმები არ იქნება,"-განაცხადა ზელენსკიმ. ასევე ნახეთ ზელენსკი აცხადებს, რომ უკრაინის არმიის რიცხოვნობა 1,5 მილიონამდე უნდა გაიზარდოს ასევე ნახეთ ჯეი დი ვენსი: ევროპის პრობლემა მისსავე შიგნითაა ...