ოპოზიციის ლიდერის ალექსეი ნავალნის ქვრივმა, იულიამ, 14 თებერვალს მიუნხენის უსაფრთხოების კონფერენციაზე სიტყვით გამოსვლის დროს აუდიტორიას გაახსენა, რომ მისი ქმარი ერთი წლის წინ რუსეთის სასჯელაღსრულების კოლონიაში მოკლეს. იულია ნავალნაიამ მეუღლის სიკვდილში რუსეთის პრეზიდენტი ვლადიმირ პუტინი დაადანაშაულა. ნავალნაიამ აღნიშნა, რომ პუტინთან, რომელიც იტყუება, მოლაპარაკებას აზრი არ აქვს. "თუ პუტინთან მოლაპარაკებას გადაწყვეტთ, უბრალოდ გახსოვდეთ: ის დაიწყებს მოტყუებას, მოიტყუება, ის ბოლო მომენტში შეცვლის წესებს და გაიძულებთ ითამაშოთ მისი თამაში", - თქვა პოლიტიკოსის ქვრივმა. ამასთან, ნავალნაია ამტკიცებს, რომ "პუტინი მალე წავა და რუსეთი თავისუფალი იქნება". ამის შემდეგ კი გაიხსნება "დემოკრატიული ცვლილებების შესაძლებლობის მოკლე ფანჯარა". ამ დროისთვის საჭიროა მკაფიო გეგმის არსებობა, მიიჩნევს ნავალნაია. მან ასევე მოუწოდა საერთაშორისო საზოგადოებას მხარი დაუჭიროს რუსეთის დემოკრატიულ ძალებს. ასევე ნახეთ რუსეთმა იულია ნავალნაია "ტერორისტებისა და ექსტრემისტების" სიაში შეიყვანა ასევე ნახეთ მოსკოვის ბასმანის რაიონულმა სასამართლომ დაუსწრებლად დააპატიმრა იულია ნავალნაია ...