აშშ რუსეთთან დიალოგისთვის ატმოსფეროს ამზადებს, მაგრამ უკრაინის შესახებ ჩვენ გარეშე, ჩვენ ზურგს უკან მიღწეულ სამშვიდობო შეთანხმებას არ მივიღებთ, თქვა მან. ზელენსკი თვლის, რომ "სახიფათო იქნება", თუ ტრამპი თავის რუს კოლეგას, ვლადიმირ პუტინს მასთან მოლაპარაკებამდე შეხდება. "უკრაინა არასოდეს მიიღებს შეთანხმებას, რომელიც ჩვენს ზურგს უკან დაიდება ჩვენი მონაწილეობის გარეშე. და ეს წესი მთელ ევროპაზეც უნდა გავრცელდეს" - თქვა მან. მან გაიმეორა თავისი პოზიცია, რომ კიევი უსაფრთხოების რეალური გარანტიების გარეშე ცეცხლის შეწყვეტაზე ვერ დათანხმდება. ზელენსკიმ თავის გამოსვლაში ევროპის სახელმწიფოთა და მთავრობების მეთაურებს მოუწოდა, თავიანთ სასიკეთოდ იმოქმედონ და შექმნან საკუთარი შეიარაღებული ძალები. "ახლა, სანამ ჩვენ ამ ომს ვაწარმოებთ და მშვიდობისა და უსაფრთხოებას საფუძველს ვუყრით, უნდა ავაშენოთ ევროპის შეიარაღებული ძალები," თქვა მან. უკრაინის შეიარაღებული ძალები უსაფრთხოებისთვის საკმარისი ვერ იქნება, თქვა უკრაინის პრეზიდენტმა და ევროპელ კოლეგებს მიმართა: "არიან თქვენი არმიები მზად, თუ რუსეთი თავს დაგესხათ, ან ოპერაცია წამოიწყო ცრუ დროშით?" ამ რიტორიკულ შეკითხვასთან ერთად ზელენსკიმ გამოთქვა აზრი, რომ "თუ ეს ომი (რუსეთსა და უკრაინას შორის) ისე არ დასრულდება, როგორც საჭიროა, მას (პუტინს) ეყოლება ბრძოლაში გამოცდილი ჯარისკაცები, რომლებმაც სხვა არაფერი იციან, გარდა მოკვლისა და ძარცვისა," თქვა ზელენსკიმ და რუსეთის ჯარის ბელარუსში შეყვანის შესახებ ინფორმაციაზე ილაპარაკა. ზელენსკიმ თქვა, რომ მისი ინფორმაციით, რუსეთი ზაფხულში აპირებს ბელარუსში ჯარის შეყვანას და იკითხა, რისთვის შეიძლება ეს კეთდებოდესო. მან შეახსენა დამსწრეთ, რომ ბელარუსი სამ ევროპულ ქვეყანას ესაზღვრება. მან დაადასტურა, რომ უკრაინა ნატოში წევრობის სურვილზე უარს არ იტყვის. ასევე ნახეთ რას ნიშნავს კიევისთვის აშშ-რუსეთის მოლაპარაკებები უკრაინის ომზე ჩვენ ვერ დავთანხმდებით მხოლოდ ცეცხლის შეწყვეტაზე, უსაფრთხოების გარანტიის გარეშე, თქვა მან, ერთობლივი ზეწოლაა საჭირო, თუ ნამდვილი მშვიდობა გვსურს. მხოლოდ პუტინის სიტყვები არ არის საკმარისი მშვიდობისთვის. უკრაინის პრეზიდენტმა მიუნხენში გამოაცხადა, რომ ნატოს ყველაზე გავლენიანი წევრი ახლა პუტინია, რადგან გადაწყვეტილებებზე გავლენის მოხდენა შეუძლიაო. ეს წელი მიუნხენის კონფერენციით იწყება, მშვიდობა უკრაინას, მშვიდობა თქვენს სახლებში, დიდება უკრაინას, დაასრულა ზელენსკიმ ინგლისურ ენაზე გამოსვლა, რომლის ბოლო სიტყვები უკრაინულად თქვა. три ასევე ნახეთ „არ გაჩერდება, სანამ არ დამარცხდება” - გაბრიელიუს ლანდსბერგისი პუტინზე, ტრამპზე, უკრაინაზე, საქართველოზე   ასევე ნახეთ უკრაინას...