84 წლის ასაკში გარდაიცვალა გოგი თოფაძე, ბიზნესმენი და პოლიტიკოსი, პარტიის, „მრეწველობა გადაარჩენს საქართველოს“ ერთ-ერთი დამფუძნებელი და საქართველოს რამდენიმე მოწვევის პარლამენტის წევრი. 1970-1975 წლებში გოგი თოფაძე იყო თბილისის საპნის ქარხნის დირექტორი; 1975-1986 წწ. - საწარმოო გაერთიანება "თბილლუდის" გენერალური დირექტორი; 1986-1994 წწ. - ლილოს ლუდის ქარხნის დირექტორი; 1994 წელს დააფუძნა შპს "ყაზბეგი“. გოგი თოფაძე იყო საქართველოს მე-5 (1999-2004 წწ.), მე-6 (2004-2008 წწ.), მე-8 (2012-2016 წწ.) მოწვევის პარლამენტის წევრი. იგი ავტორია არაერთი სამეცნიერო პუბლიკაციისა და მონოგრაფიისა. მიღებული აქვს "წლის საუკეთესო ბიზნესმენის" წოდება (1997, 1998 წწ.) და "მეცენატის ოქროს მედალი" (2005 წ.). ასევე ნახეთ შეკითხვები თბილისის მერობის კანდიდატებს: გოგი თოფაძე გოგი თო­ფა­ძემ 1957 წელს და­ამ­თავ­რა თბი­ლი­სის 51-ე სა­შუ­ა­ლო სკო­ლა და სწავ­ლა გა­ნაგ­რძო თბი­ლი­სის პო­ლი­ტექ­ნი­კუ­რი ინ­სტი­ტუ­ტის კვე­ბი­სა და ქი­მი­უ­რი მრეწ­ვე­ლო­ბის ფა­კულ­ტეტ­ზე. 1962 წელს ინ­სტი­ტუ­ტის დამ­თავ­რე­ბის შემ­დეგ მუ­შა­ო­ბა და­ი­წყო კვე­ბი­სა და მრეწ­ვე­ლო­ბის სა­მეც­ნი­ე­რო-კვლე­ვით ინ­სტი­ტუ­ტში მეც­ნი­ერ-თა­ნამ­შრომ­ლად. 1967 წელს გოგი თო­ფა­ძემ ჩა­ა­ბა­რა მოს­კოვ­ში ორ­გა­ნუ­ლი ქი­მი­ის სა­კავ­ში­რო სა­მეც­ნი­ე­რო-კვლე­ვი­თი ინ­სტი­ტუ­ტის ას­პი­რან­ტუ­რა­ში. 1969 წელს და­იც­ვა დი­სერ­ტა­ცია, რის შემ­დე­გაც მი­ე­ნი­ჭა ტექ­ნი­კურ მეც­ნი­ე­რე­ბა­თა კან­დი­და­ტის წო­დე­ბა. ...