შეხვედრის მიზანია უკრაინაში ომის დასასრულებლად შესაძლო შეთანხმების განხილვა და პრეზიდენტების, ტრამპის და პუტინის მოლაპარაკების მომზადება. მედიასაშუალებების ცნობით, შეხვედრაში მონაწილეობას მიიღებენ აშშ-ის სახელმწიფო მდივანი მარკო რუბიო, პრეზიდენტის მრჩეველი ეროვნული უსაფრთხოების საკითხებში მაიკლ უოლცი და სპეციალური წარმომადგენელი ახლო აღმოსავლეთში სტივ უიტკოფი. რუსეთის დელეგაციას, სავარაუდოდ, საგარეო საქმეთა მინისტრი სერგეი ლავროვი უხელმძღვანელებს. სააგენტო Bloomberg-ის ცნობით, რუსეთის დელეგაციაში, სავარაუდოდ, იქნებიან პრეზიდენტ პუტინის თანაშემწე იური უშაკოვი და საგარეო დაზვერვის სამსახურის ხელმძღვანელი სერგეი ნარიშკინი. საუდის არაბეთში შეხვედრის ორგანიზებას წინ უძღოდა აშშ-ის და რუსეთის პრეზიდენტების, დონალდ ტრამპის და ვლადიმირ პუტინის და სახელმწიფო მდივნის მარკო რუბიოს და საგარეო საქმეთა მინისტრ სერგეი ლავროვის სატელეფონო საუბრები. ასევე ნახეთ აშშ-ის წარმომადგენლები უკრაინის სამშვიდობო მოლაპარაკებას საუდის არაბეთში დაიწყებენ. ტელეფონით ისაუბრეს რუბიომ და ლავროვმა ასევე ნახეთ ტრამპი პუტინს შესაძლოა, საუდის არაბეთში შეხვდეს 15 თებერვალს უკრაინის პრეზიდენტმა ვოლოდიმირ ზელენსკიმ, რომელიც მიუნხენში, უსაფრთხოების საერთაშორისო კონფერენციაში მონაწილეობდა, გამოცემა Axios-ს განუცხადა, რომ უკრაინას არ მიუღია მიწვევა საუდის არაბეთში დაგეგმილ შეხვედრაზე. ერთი დღით ადრე, აშშ-ის პრეზიდენტმა დონალდ ტრამპმა განაცხადა, რომ უკრაინის ლიდერი მონაწილეობას მიიღებს მოლაპარაკებებში ომის დასრულების შესახებ. 16 თებერვალს სახელმწიფო მდივანმა მარკო რუბიომ ტელეკომპანია CBS-ს განუცხადა, რომ როცა რეალური მოლაპარაკებები დაიწყება, მონაწილეობას მიიღებენ უკრაინა და ევროპის ქვეყნებიც. ასევე ნახეთ აშშ-ის სახელმწიფო მდივანი: რუსეთთან მოლაპარაკების საქმეში "არაფერია გადაწყვეტილი" ასევე ნახეთ დღეს საუბარი არ მიდის სამშვიდობო შეთანხმებაზე - ზელენსკი კიევი და ევროპის სახელმწიფოები მოითხოვენ, რომ უკრაინის შესახებ მოლაპარაკებები მათ ზურგს უკან არ მიმდინარეობდეს. დღეს, 17 თებერვალს, პარიზში გაიმართება ევროპის სახელმწიფოთა ლიდერების შეხვედრა, რომელზეც უკრაინის შესახებ იმსჯელებენ. ასევე ნახეთ ბრიტანეთი მზად არის უკრაინაში ჯარების გასაგზავნად სამშვიდობო შეთანხმების უზრუნველსაყოფად ამასთან, 16 თებერვალს ცნობილი გახდა, რომ საუდის არაბეთში სამუშაო ვიზიტით იმყოფება უკრაინის სამთავრობო დელეგაცია, რომელსაც ეკონომიკის მინისტრი იულია სვირიდენკო ხელმძღვანელობს. სვირიდენკომ ფეისბუკის ოფიციალურ გვერდზე დაწერა, რომ ვიზიტი დაიწყეს ასამდე ადგილობრივ მეწარმესთან შეხვედრით, მომდევნო დღეებში კი ექნებათ ათეულობით შეხვ...