„როდესაც იმ ე.წ. არჩევნების შემდეგ ქუჩაში გამოსულ ხალხს ვუყურებდი, 2020 წლის ბელარუსი დავინახე. გულწრფელად გეტყვით, ვლოცულობდი, რომ ის რეპრესიები, რომლებიც ჩვენ გადავიტანეთ, თქვენ არ განგეცადათ – ეს საშინელებაა“, - განუცხადა ციხანოუსკაიამ რადიო თავისუფლების კორესპონდენტს, ვაჟა თავბერიძეს. „ვიცი, რომ ზეწოლა, შესაძლოა, გაიზარდოს, მაგრამ არ მინდა, იმ გზაზე გაიაროთ, რომელიც ჩვენ გავიარეთ. მინდა, რომ ძლიერები დარჩეთ და იმედი არ დაკარგოთ“, - თქვა მან. ციხანოუსკაიას თქმით, ბელარუსში ბრძოლა უკვე ოთხი წელია გრძელდება, მაგრამ ხალხი არ ნებდება. „ვგრძნობ, რომ თქვენც ასე იქნებით – ბოლომდე დადგებით. მაგრამ მხოლოდ სიტყვები არ კმარა – დემოკრატიული სამყაროსგან რეალური მხარდაჭერაა საჭირო, რეალური ნაბიჯები შეშფოთებების ნაცვლად. დღეს კონფერენციაზე საქართველო ბევრჯერ ახსენეს. თქვენ ეს მხარდაჭერა გაქვთ, და რაც მთავარია, გაქვთ ნება და სიმტკიცე“, - თქვა მან. „ვიცი, რომ ძალიან რთულ ვითარებაში ხართ – ჩვენ საზღვარი გვაქვს ევროკავშირთან, და ბელარუსზე შეტევა მთელი ევროპისთვის საფრთხედ აღიქმება. საქართველო ცოტა უფრო მოშორებულია და გარშემორტყმულია სხვა ქვეყნებით, მაგრამ მჯერა, რომ ამასაც გაუმკლავდებით“, - თქვა სვიატლანა ციხანოუსკაიამ. ასევე ნახეთ არ მინდა, გავხდე ციხანოუსკაია ან გონსალესი, მჭირდება მხარდაჭერა ახლა ჩემს ქვეყანაში - სალომე ზურაბიშვილი ბელარუსში 2020 წლის 9 აგვისტოს საპრეზიდენტო არჩევნები ქვეყნის დამოუკიდებელი ისტორიის მანძილზე ყველაზე მასშტაბური საპროტესტო დემონსტრაციებით დასრულდა. ოპოზიციონერი ლიდერები და დემონსტრანტები ლუკაშენკას სასარგებლოდ მასშტაბურ გაყალბებებზე საუბრობდნენ და ამტკიცებდნენ, რომ უმრავლესობამ სინამდვილეში მხარი დაუჭირა ოპოზიციის კანდიდატ სვიატლანა ციხანოუსკაიას. ხელისუფლებამ პროტესტი სასტიკად ჩაახშო. დაიწყო რეპრესიები, რომლებიც დღემდე გრძელდება. ბელარუსში ამჟამად 1000-ზე მეტი პოლიტპატიმარია, ხოლო ბევრ ოპოზიციონერ ლიდერს ქვეყნის დატოვება მოუწია. ოთხ-ნახევარი წლის განმავლობაში, ლუკაშენკას ძალოვანმა უწყებებმა დააკავეს, დაკითხეს, სცემეს, დააჯარიმეს, გაასამართლეს და სამსახურის გარეშე დატოვეს ათობით ათასი ადამიანი, ასობით ათასი კი იძულებული გახადეს ქვეყანა დაეტოვებინა. 2025 წლის 26 იანვარს, ბელარუსში საპრეზიდენტო არჩევნების ოფიციალური შედეგებით, ალიაქსანდრ ლუკაშენკამ ხმების 86,82% მოაგროვა. საზღვარგარეთ საარჩევნო უბნები არ გახსნილა. არჩევნებზე არ ყოფილან ოფიციალური დამკვირვებლები ეუთოდან და დასავლეთის ქვეყნებიდან. ევროპარლამენტის თავმჯდომარე რობერტა მეცოლამ მხარდაჭერა გამოუცხადა ბელარუს ხალხს, ასევე ყალბი უწოდა არჩევნებს ბელარუსში. „ჩემი გზავნილი ბელარუსის ხალხს: იყავით მტკიცენი, ჩვენ მხარს დაგიჭერთ, დიქტატურის დრო დასრულდება. დემოკრატია გ...