დღეს, 17 თებერვალს, გაიმართა კონკურსის, „ევროკავშირის პრიზი ჟურნალისტიკაში 2024", რიგით მეთხუთმეტე დაჯილდოების ცერემონია. გამარჯვებულები ევროკავშირის ელჩმა საქართველოში პაველ ჰერჩინსკიმ დააჯილდოვა. წელს პრიზები შვიდ საპრიზო კატეგორიაში გაიცა: საუკეთესო სტატია ბეჭდურ ან ელექტრონულ მედიაში; საუკეთესო სიუჟეტი სამაუწყებლო ან ელექტრონულ მედიაში; საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში; საუკეთესო ბლოგი, საავტორო სტატია, სვეტი ბეჭდურ, ელექტრონულ ან სამაუწყებლო მედიაში; ევროკავშირის ფასეულობების ამსახველი საუკეთესო დოკუმენტური ფოტო; საუკეთესო სტუდენტური ნაშრომი ბეჭდურ, სამაუწყებლო ან ონლაინ მედიაში; ყველაზე ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში. ნომინაციაში საუკეთესო სტატია ბეჭდურ ან ელექტრონულ მედიაში, გამარჯვებულია რადიო თავისუფლების ჟურნალისტი სალომე ჩადუნელი სტატიისთვის, "როცა ეს თამაში აღარ არის - რა ხდება „ევოლუშენის“ კედლებს მიღმა? ასევე ნახეთ როცა ეს თამაში აღარ არის - რა ხდება „ევოლუშენის“ კედლებს მიღმა? გამარჯვებულები ნომინაციაში საუკეთესო სიუჟეტი სამაუწყებლო ან ელექტრონულ მედიაში, გახდნენ Chaikhana Media-ს ჟურნალისტები დავით თამაზაშვილი და მარიამ ნიკურაძე. ნომინაციაში საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში, პრიზი გადაეცა "სტუდია მონიტორის" ჟურნალისტ თამარ გელაშვილს. ნომინაციაში საუკეთესო ბლოგი, საავტორო სტატია, სვეტი ბეჭდურ, ელექტრონულ ან სამაუწყებლო მედიაში, პრიზი გადაეცა "მედია აპრილის" ჟურნალისტს, გიორგი ბასხაჯაურს. ევროკავშირის ფასეულობების ამსახველი საუკეთესო დოკუმენტური ფოტოს ნომინაციაში გაიმარჯვა რადიო თავისუფლების ფოტოგრაფმა და ავტორმა დათო ქორიძემ. მან თბილისში მოკლული ტრანსგენდერი ქალის, კესარია აბრამიძის დაკრძალვის ფოტორეპორტაჟი მოამზადა. три ხოლო პრიზი ნომინაციაში საუკეთესო სტუდენტური ნაშრომი ბეჭდურ, სამაუწყებლო ან ონლაინ მედიაში, გადაეცა OC Media-ს ჟურნალისტს, თამარ მჭედლიძეს. გამარჯვებული ნომინაციაში ყველაზე ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში, გახდა მაია მეცხვარიშვილი, "სტუდია მონიტორის ჟურნალისტი". გამარჯვებულებს ფულადი ჯილდოები გადაეცემათ. "ევროკავშირის პრიზი ჟურნალისტიკაში 2024-ის" ფინალში რადიო თავისუფლების ხუთი ავტორი მოხვდა. მათი ნამუშევრების ნახვა შეგიძლიათ აქ. ...