საუდის არაბეთში აშშ-ისა და რუსეთის წარმომადგენელთა შეხვედრა არ უნდა იქნეს განხილული როგორც წინსვლა უკრაინის შესახებ მოლაპარაკებებში, განაცხადა აშშ-ის სახელმწიფო დეპარტამენტის პრესმდივანმა ტემი ბრიუსმა. მისი თქმით, სამშაბათისთვის დაგეგმილი შეხვედრა არის პირველი ნაბიჯი, რომლის შედეგადაც აშშ შეაფასებს, რამდენად „სერიოზულად“ არის განწყობილი მოსკოვი უკრაინაში ომის დასასრულებლად. ასევე ნახეთ პესკოვი: საუდის არაბეთში ამერიკელებთან შესახვედრად ჩადიან სერგეი ლავროვი და იური უშაკოვი რუსეთის პრეზიდენტ ვლადიმირ პუტინის თანაშემწემ, რომელიც საგარეო საქმეთა მინისტრ სერგეი ლავროვთან ერთად წარმოადგენს რუსეთს ელ-რიადის შეხვედრაზე, ასევე განაცხადა, რომ ჯერჯერობით მხარეები აპირებენ, „შეთანხმდნენ, როგორ დაიწყონ უკრაინის თაობაზე მოლაპარაკებები, ვინაიდან ამერიკის მხარეს ჯერ არ დაუნიშნავს თავისი მთავარი მომლაპარაკებელი“ („ტასის“ ციტატა). ორშაბათს უკრაინის პრეზიდენტმა ვოლოდიმირ ზელენსკიმ თქვა, რომ კიევმა წინასწარ არ იცოდა ელ-რიადში აშშ-რუსეთის შეხვედრის შესახებ და რომ უკრაინა არ აღიარებს შეთანხმებებს, რომლებიც მისი მონაწილეობის გარეშე იქნება მიღებული. ასევე ნახეთ აშშ-ის სახელმწიფო მდივანი საუდის არაბეთში ჩავიდა ...