17 თებერვალს პარიზში გამართულ შეხვედრაზე ევროკავშირის რამდენიმე ქვეყნისა და ინსტიტუციის ლიდერებმა, ასევე ნატოს გენერალურმა მდივანმა, განიხილეს ევროპული ქვეყნების შესაძლო მონაწილეობა სამშვიდობო დარეგულირებაში, რომელიც დაასრულებს რუსეთის ომს უკრაინის წინააღმდეგ. განხილულ საკითხებს შორის იყო ასევე უკრაინის უსაფრთხოების გარანტიები. შეერთებულმა შტატებმა ადრე ევროკავშირის ქვეყნებისგან მოითხოვა ინფორმაცია იმის შესახებ, თუ რა კონკრეტული წვლილის შეტანა შეუძლია თითოეულ მათგანს. პარიზის შეხვედრა საფრანგეთის პრეზიდენტ ემანუელ მაკრონის მიწვევით გაიმართა დონალდ ტრამპის ადმინისტრაციის ბოლო განცხადებებისა და ქმედებების ფონზე, რამაც ევროკავშირის ზოგიერთ ქვეყანაში შეშფოთება გამოიწვია იმის შესახებ, გაითვალისწინებს თუ არა აშშ-ის ახალი ადმინისტრაცია ევროპის ინტერესებს და რუსეთთან ხომ არ მიაღწევს ევროკავშირისა და უკრაინისთვის არახელსაყრელ შეთანხმებას. ასევე ნახეთ ფრანგი მინისტრის თქმით, მაკრონი 17 თებერვალს უკრაინაში ევროპელი ლიდერების შეხვედრას უმასპინძლებს შეხვედრას ესწრებოდნენ საფრანგეთის, გერმანიის, იტალიის, ესპანეთის, დიდი ბრიტანეთის, პოლონეთის, დანიისა და ნიდერლანდის ლიდერები, ასევე ევროკომისიისა და ევროპული საბჭოს ხელმძღვანელები და ნატოს გენერალური მდივანი მარკ რუტე. შეხვედრის დაწყებამდე ემანუელ მაკრონი ტელეფონით ესაუბრა აშშ-ის პრეზიდენტ დონალდ ტრამპს, საუბრის შინაარსის შესახებ არ იტყობინებიან. შეხვედრა რამდენიმე საათს გაგრძელდა. არ არსებობს ინფორმაცია იმის შესახებ, რომ მიღებულია რაიმე გადაწყვეტილება. დანიის პრემიერ-მინისტრმა მეტე ფრედერიკსენმა ჟურნალისტებს განუცხადა, რომ შეხვედრა იყო აზრთა არაფორმალური გაცვლა და ლიდერები არაფერზე არ შეთანხმებულან. ყველა ლიდერმა დაუჭირა მხარი იმას, რომ აუცილებელია უკრაინის დახმარება მის ბრძოლაში რუსეთის აგრესიის წინააღმდეგ. გერმანიის კანცლერმა ოლაფ შოლცმა ჟურნალისტებს განუცხადა, რომ აშშ-მა და ევროკავშირმა, ისევე როგორც ნატოს ყველა ქვეყანამ, ერთად უნდა იმოქმედონ უკრაინის უსაფრთხოებისა და გარანტიების საკითხებზე. ამასთან, მან განაცხადა, რომ ჯერ ნაადრევია საუბარი უკრაინაში რაიმე სამშვიდობო მისიაზე და მასში გერმანიის მონაწილეობაზე. მანამდე გავრცელდა ინფორმაცია, რომ პარიზის შეხვედრაზე, სხვა საკითხებთან ერთად, შესაძლოა განხილულიყო სამშვიდობო მისია უკრაინაში. შოლცის სიტყვებიდან გამომდინარეობს, რომ პარიზში გამართულ სამიტზე მსგავსი მისიის შესახებ გადაწყვეტილება არ მიუღიათ. კანცლერმა თქვა, რომ სამშვიდობო მისიაზე საუბარი გამაღიზიანებელია, რადგან უკრაინაში ომს ბოლო არ უჩანს და ამჟამად არ არის საუბარი სამშვიდობოების გაგზავნაზე. ასევე ნახეთ გერმანიის კანცლერი უარყოფს უცხოთა ჩარევას „ჩვენს დემოკრატიაში“ შოლცმა ასევ...