მედიასაშუალებები ადგილობრივ ხელისუფლებაზე დაყრდნობით იუწყებიან, რომ დაშავდა 18 ადამიანი, რომლებიც საავადმყოფოში გადაიყვანეს. სამის მდგომარეობა მძიმეა. თვითმფრინავი ტორონტოში აშშ-ის ქალაქ მინეაპოლისიდან 17 თებერვალს ჩავიდა. ავიაკომპანია Delta Airlines-მა დააზუსტა, რომ რეისს მისი შვილობილი კომპანია Endeavor Air-ი ასრულებდა. სოციალური ქსელებით გავრცელდა მგზავრების მიერ გადაღებული ვიდეო, რომელშიც ჩანს, როგორ ტოვებს ხალხი ამოტრიალებულ თვითმფრინავს. კანადის სატრანსპორტო უსაფრთხოების სამმართველომ ინციდენტის გამოძიება დაიწყო. მედიასაშუალებებით გავრცელდა ვარაუდი, რომ თვთმფრინავი ე.წ. გვერდითი ქარის გამო ამოტრიალდა. ეს ვერსია უარყო აეროპორტის სახანძრო სამსახურის ხელმძღვანელმა. მისი ინფორმაციით, ქარი არ ყოფილა და დასაფრენი ზოლიც მშრალი იყო. ასევე ნახეთ აშშ-ში არმიის ვერტმფრენისა და სამგზავრო თვითმფრინავის შეჯახებას 67 ადამიანის სიცოცხლე ემსხვერპლა 2025 წლის იანვარ-თებერვალში ჩრდილოეთ ამერიკაში რამდენიმე ავიაკატასტროფა მოხდა. ყველაზე მასშტაბური 30 იანვარს, როცა ვაშინგტონის მახლობლად, რეიგანის სახელობის აეროპორტთან სამგზავრო თვითმფრინავის და სამხედრო ვერტმფრენის შეჯახების შედეგად 67 ადამიანი დაიღუპა. 1 თებერვალს, ფილადელფიაში ჩამოვარდა მცირე ზომის სამედიცინო-საევაკუაციო თვითმფრინავი. დაიღუპა ბორტზე მყოფი ექვსივე ადამიანი, ერთი კი - ხმელეთზე. ...