„წარმოიდგინეთ შეშინებული ივანიშვილი ბიძინას სახე, როდესაც ქალზე კვერცხებით თავდასხმის ბრძანებას გასცემდა და გაიხსენეთ ყოველთვის, როცა ივანიშვილი ბიძინა ღირსებაზე, სამშობლოს სიყვარულზე და ქართულ ტრადიციებზე დაგვიწყებს საუბარს“, - წერს ფეისბუკზე გიორგი გახარია. „ჩემი მხარდაჭერა სალომე ზურაბიშვილს“, - აცხადებს იგი. три სალომე ზურაბიშვილს კვერცხები ესროლეს 18 თებერვალს გერმანიიდან დაბრუნებულ სალომე ზურაბიშვილს თბილისის საერთაშორისო აეროპორტში კვერცხები ესროლეს. მედიაში გავრცელებული ინფორმაცია რადიო თავისუფლებას ინფორმირებულმა წყარომ დაუდასტურა. მოგვიანებით ინციდენტის ამსახველი კადრები გაავრცელა პროსახელისუფლებო ტელეარხ „პოსტივის“ თანამშრომელმა ნათია ბერიძემ, რომელმაც წინა დღეს ზურაბიშვილს საჯაროდ დაუწერა: „რომ ჩამოხვალ, საწვიმარი ჩაიცვი, თორემ კვერცხის სუნი შეგაწუხებს მერე დიდხანს“. ვიდეოკადრებში ისმის, რომ სალომე ზურაბიშვილს აეროპორტში შეურაცხყოფას აყენებენ: „ენჯეოების მონა ხართ“, „აგენტი ხართ“, „გენეტიკაში გაქვთ მოღალატეობა?“, „ქეში არ მოგაქვთ ხოლმე?“ თავდაპირველად, აეროპორტის შიდა ტერიტორიაზე მას, სულ მცირე, ორი ქალი მიმართავს შეურაცხმყოფელი სიტყვებით, გარე პერიმეტრზე გასვლის შემდეგ კი საქმეში კაცები ერთვებიან. სალომე ზურაბიშვილს მანქანაში ჩაჯდომამდე რამდენიმე წამით ადრე ესვრიან კვერცხებს, შეურაცხყოფას აყენებენ და აგინებენ. რამდენიმე კვერცხი მისი პირადი დაცვის წევრებს მოხვდათ. რადიო თავისუფლება ცდილობს სალომე ზურაბიშვილის საზოგადოებასთან ურთიერთობის სამსახურთან დაკავშირებას დამატებითი ცნობების მისაღებად. ასევე, ელის პასუხის მიღებას შინაგან საქმეთა სამინისტროსგან. 2024 წლის 29 დეკემბერს მიხეილ ყაველაშვილმა, - რომლის ლეგიტიმურობასაც სალომე ზურაბიშვილი, საზოგადოების, პოლიტიკური სპექტრისა და დასავლელი მოკავშირეების ნაწილის მსგავსად, არ ცნობს, - ხელი მოაწერა ცვლილებებს სახელმწიფო დაცვის კანონში. ამ ცვლილებების საფუძველზე სალომე ზურაბიშვილს სახელმწიფო დაცვა აღარ ჰყავს. ასევე ნახეთ აეროპორტში სალომე ზურაბიშვილსაც ესროლეს კვერცხები „ქართული ოცნების“ გამოხმაურებები მოგვიანებით, 18 თებერვლის დილასვე, „ქართული ოცნების“ პარლამენტის წევრმა დავით მათიკაშვილმა ზურაბიშვილს უწოდა „პოლიტიკურად ნული“, რომელიც „აგრძელებს სამშობლოს ღალატს“, და მისთვის "გასაგებია" სალომე ზურაბიშვილისთვის საზოგადოებისგან „პასუხის გაცემა“: „დადის უცხოურ ქვეყნებში და ცდილობს, დააზიანოს ქვეყანა. საზოგადოებას აქვს თავისი რეაქცია. ღალატს რომ საზოგადოებამ გარკვეული პასუხი გასცა, ესეც გასაგებია“, - განაცხადა მათიკაშვილმა. „ქართული ოცნების“ განაყოფის, „ხალხის ძალის“ ლიდერმა გურამ მაჭარაშვილმა განაცხადა: „მე არ მესმის, რა უკვირს ახლა ზურაბიშვილს.“ „არ ვეუბნებოდით, რომ მას...