კიევის რკინიგზის სადგურში, სადაც აშშ-ის ელჩი ბრიჯიტ ბრინკი დახვდა, კით კელოგმა განაცხადა, რომ ესმით უსაფრთხოების გარანტიების საჭიროება. კელოგის თქმით, მისი მისიის ნაწილი მოსმენაა და ვაშინგტონში დაბრუნებულს საუბარი ექნება პრეზიდენტ ტრამპთან, რომელსაც ომის დასრულება სურს. უკრაინაში ვიზიტამდე კით კელოგი მიუნხენში მონაწილეობდა უსაფრთხოების საერთაშორისო კონფერენციაში. კელოგი არ დასწრებია აშშ-ის და რუსეთის დელეგაციების შეხვედრას, რომელიც 18 თებერვალს საუდის არაბეთში გაიმართა. ასევე ნახეთ აშშ-რუსეთის მოლაპარაკებები საუდის არაბეთში: რა შევიტყვეთ 18 თებერვალს უკრაინის პრეზიდენტმა ვოლოდიმირ ზელენსკიმ განაცხადა, რომ საუდის არაბეთში აშშ-ისა და რუსეთის წარმომადგენლების შეხვედრა კიევისთვის სიურპრიზი იყო და ინფორმაცია მედიით შეიტყვეს. ზელენსკიმ ისევ გაიმეორა, რომ ომის დასრულების შესახებ გადაწყვეტილებას უკრაინის გარეშე ვერ მიიღებენ. სააგენტო Bloomberg-ის წყაროების თანახმად, საუდის არაბეთის ტახტის მემკვიდრე პრინცს, მოჰამედ ბინ სალმანს, სურდა, რომ შეხვედრაში მონაწილეობა მიეღო ვოლოდიმირ ზელენსკისაც, მაგრამ ვაშინგტონმა და მოსკოვმა მოითხოვეს, რომ შეხვედრა უკრაინის გარეშე გაემართათ. ასევე ნახეთ ზელენსკი: უკრაინაზე მოლაპარაკებებში აშშ-ის გარდა უნდა მონაწილეობდნენ კიევი, ევროკავშირი, ლონდონი და ანკარა ასევე ნახეთ ტრამპმა ზელენსკის „4%-იან რეიტინგსა“ და უკრაინაში არჩევნების საჭიროებაზე ილაპარაკა ...