წინა წლის იმავე პერიოდთან შედარებით, სურათებისა და ნახატების იმპორტის მაჩვენებელი 2 მილიონჯერ გაიზარდა, ქანდაკებებისა და სტატუეტების კი - 75,4 ათასჯერ. ინფორმაციას აქვეყნებს საქსტატი. ეკუთვნის თუ არა აღნიშნული ძვირადღირებული ქონება ბიძინა ივანიშვილს? - ამ კითხვით რადიო თავისუფლებამ „ქართული ოცნების“ პრესსამსახურს მიმართა. პასუხის მიღების შემთხვევაში, ტექსტი განახლდება. მხოლოდ იანვარში საქართველოში ძვირადღირებული ნივთები შემოვიდა აშშ-დან - 258,6 მილიონი დოლარის ღირებულების; გაერთიანებული სამეფოდან - 254,8 მილიონი დოლარის ღირებულების; ვირჯინიის კუნძულებიდან - 580,5 ათასი დოლარის ღირებულების; გერმანიიდან - 417,5 ათასი დოლარის ღირებულების; საფრანგეთიდან - 102,7 ათასი დოლარის ღირებულების; სხვა ქვეყნებიდან - 0,3 ათასი დოლარის ღირებულების. საქართველოში შემოტანილი 33,4 მილიონი დოლარის ქანდაკებები და სტატუტები (სასაქონლო კოდი 9703) ქვეყნების მიხედვით ასე ნაწილდება: აშშ - 30,7 მილიონი დოლარი; გაერთიანებული სამეფო - 2 მილიონი დოლარი; ვირჯინიის კუნძულები - 580,5 ათასი დოლარი; საფრანგეთი - 102,5 ათასი დოლარი; ნიდერლანდი - 10 დოლარი. საქართველოში შემოტანილი 481 მილიონი დოლარის სურათები და ნახატები (სასაქონლო კოდი 9701) ქვეყნების მიხედვით ასე ნაწილდება: აშშ - 228 მილიონი დოლარი; გაერთიანებული სამეფო - 253 მილიონი დოლარი; გერმანია - 418 ათასი დოლარი; სხვა ქვეყნები - 440 დოლარი. 2025 წლის იანვარში იმპორტის მაჩვენებელი იყო 1,6 მილიარდი დოლარი, რომლის დაახლოებით 32 პროცენტი მოდის ნახატებზე, ქანდაკებებსა და სტატუეტებზე. იმპორტის მაჩვენებელი წინა წლის იმავე პერიოდთან შედარებით 45%-ით არის გაზრდილი, მეტწილად სწორედ იმ ქვეყნების ხარჯზე, საიდანაც საქართველოში ნახატები, ქანდაკებები და სტატუეტები შემოვიდა. იანვარში, წინა წლის იმავე პერიოდთან შედარებით, იმპორტი გაიზარდა: აშშ-დან - 196,4%-ით; გაერთიანებული სამეფოდან - 2365,8%-ით; ჩინეთიდან - 50,7%-ით; ბულგარეთიდან - 52,9%-ით. ასევე ნახეთ იანვარში აშშ-დან და დიდი ბრიტანეთიდან 420 მილიონი დოლარის ნახატები შემოვიდა ივანიშვილს აშშ-მა სანქციები 2024 წლის 27 დეკემბერს დაუწესა, მისმა ოჯახმა კი ოფშორულ ზონებში რეგისტრირებული კომპანიების გადმოტანისთვის საჭირო პროცედურები ამის შემდეგ რამდენიმე დღეში, 31 დეკემბერს, დაიწყო. ოფშორული აქტივების საქართველოში გადმოტანა უკვე დაწყებულია. ივანიშვილის ოჯახმა წილები ოთხი ოფშორული კომპანიიდან (Visalia Enterprises Limited (ბელიზი) 2) Gilmar Holding Limited (ბელიზი) 3) Fresno Management Limited (ბელიზი) 4) Limestone Finance International SA (პანამა)) გადმოიტანა საქართველოში. ასევე ნახეთ ბიძინა ივანიშვილის ოჯახმა ოფშორული აქტივების საქართველოში გადმოტანა დაიწყო ...