2025 წლის 16 იანვრიდან თემურ ქათამაძე იმყოფება შინაგან საქმეთა სამინისტროს დროებითი მოთავსების ცენტრში. მას ქვეყნიდან გაძევება ემუქრება. 16 იანვრიდან მას შიმშილობა აქვს გამოცხადებული და, საია-ს ცნობით, უარს ამბობს ყოველგვარი საკვების მიღებაზე და მხოლოდ წყალს სვამს. „შიმშილობის ამ ვადის მიუხედავად, ის მხოლოდ ერთხელ, 2025 წლის 15 თებერვალს გადაიყვანეს სამედიცინო დაწესებულებაში, გამოკვლევებისა და გარკვეული სამედიცინო გამოკვლევების ჩატარების მიზნით“, - წერს საია 19 თებერვალს გავრცელებულ განცხადებაში. ორგანიზაციის თანახმად, ქათამაძე მიიჩნევდა, რომ ჯანმრთელობის მდგომარეობის მონიტორინგის მიზნით, ჰოსპიტალიზაციას საჭიროებდა. შიმშილობის 30-ე დღეს, 15 თებერვალს, ის იზოლატორიდან კლინიკაში გადაიყვანეს. საია-ს ცნობით, იგი იმავე დღეს დააბრუნეს დროებითი მოთავსების ცენტრში, - მიუხედავად ჰოსპიტალიზაციის სურვილისა. „პროტესტის ნიშნად, 15 თებერვლიდან, შიმშილობის პარალელურად, თემური უარს ამბობს გამოკვლევების ჩატარებაზე დროებითი მოთავსების ცენტრშიც“, - აცხადებს საია.три თემურ ქათამაძე ქართველი მუჰაჯირების შთამომავალია. ის ბოლო წლებია, საქართველოში ცხოვრობს და სახელმწიფოს მოქალაქეობის მინიჭებას სთხოვს, რაზეც უარს იღებს. ქათამაძეს, რომელიც პროევროპული აქციების აქტიური მონაწილეა, გამოძიება საქართველოში ცხოვრების უფლების არქონას ედავება. შიმშილობის დაწყების შემდეგ მან თქვა, რომ შიმშილობდა დაპატიმრებული მზია ამაღლობელის - „ბათუმელებისა“ და "ნეტგაზეთის" დამფუძნებლის - სოლიდარობის ნიშნად. ამაღლობელმა, რომელიც 38 დღის განმავლობაში შიმშილობდა, 18 თებერვალს თქვა, რომ ექიმების დახმარებით კვებას აღადგენს. მან ციხიდან გამოგზავნილი წერილით თემურ ქათამაძეს მადლობა გადაუხადა სოლიდარობისათვის და შიმშილობის შეწყვეტა სთხოვა. ასევე ნახეთ სააპელაციომ ამაღლობელის საჩივარი არ მიიღო - ვინ არის გადაწყვეტილების მიმღები მოსამართლე ასევე ნახეთ 38 დღის შემდეგ მზია ამაღლობელი ამბობს, რომ შიმშილობას შეწყვეტს ბოლო 84 დღეა, ათასობით ადამიანი საქართველოს ქალაქებში ყოველდღე ითხოვს ხელახალ არჩევნებს და პროევროპულ აქციებზე დაკავებულების გათავისუფლებას. ხალხმრავალი პროტესტი გამოიწვია „ქართულ ოცნებაში“ მიღებულმა გადაწყვეტილებამ, რომლის მიხედვითაც, ხელისუფლება „2028 წლის ბოლომდე“ არ იქნება ევროკავშირთან მოლაპარაკების გახსნის საკითხის ინიციატორი. ...