პარტია "ლელოს" წევრი საბა ბუაძე აცხადებს, რომ 11 თებერვალს გზის გადაკეტვისთვის 5000 ლარით დააჯარიმეს, თუმცა, როგორც ის ამბობს, იმ კონკრეტულ დღეს იქ არ ყოფილა. "ტელევიზიით პოლიციის კრიტიკის შემდეგ 5 წუთში პატრულმა გამაჩერა და 15 წუთია გაჩერებული ვყავარ და არც მეუბნებიან რატომ. უნდა გადაგამოწმოთო ნეტა კოვიდზე მამოწმებენ? P.S. 11 თებერვალს გზის გადაკეტვისთვის გაჯარიმებთო, ოღონდ იქ არ ვყოფილვარ მაგ დროს", - წერს საბა ბუაძე ფეისბუკზე. три ასევე ნახეთ რა უნდა იცოდე, თუ პოლიციამ ჯარიმა გამოგიწერა, მაგალითად, გზის გადაკეტვის გამო თბილისსა და სხვა ქალაქებში 28 ნოემბრიდან მიმდინარეობს პროევროპული აქციები. პროტესტის უწყვეტი ტალღა მოჰყვა „ქართული ოცნების“ განცხადებას, რომლის თანახმადაც, მათ გადაწყვიტეს, რომ „2028 წლამდე“ დღის წესრიგში არ დააყენონ ევროკავშირთან გაწევრებაზე მოლაპარაკებების გახსნა. ეს ნაბიჯი საზოგადოების მნიშვნელოვანმა ნაწილმა აღიქვა პროდასავლური საგარეო კურსის რუსეთისკენ შებრუნების საბოლოო წერტილად და უკრაინის პრეზიდენტ ვიქტორ იანუკოვიჩის მიერ 2014 წელს მიღებული გადაწყვეტილების ანალოგად. დემონსტრანტები მსვლელობებითა და პერფორმანსებით გამოხატავენ პროტესტს. ისინი ითხოვენ ახალ საპარლამენტო არჩევნებს და დაკავებულების, მათ შორის „ბათუმელების“ და „ნეტგაზეთის“ დამფუძნებლის, მზია ამაღლობელის გათავისუფლებას. დემონსტრანტები მიიჩნევენ, რომ პროევროპული აქციების დროს დაკავებული ყველა პირი რეჟიმის ტყვეა. ...