პირველი ორი ჯარიმა მას პოლიციამ პარლამენტის შენობის წინ 13 და 14 თებერვალს გზის გადაკეტვისთვის გამოუწერა, მესამე ჯარიმის დაკისრების გადაწყვეტილება კი თბილისის საქალაქო სასამართლოს მოსამართლე ნინო ენუქიძემ მიიღო. მოსამართლემ მიიჩნია, რომ 2024 წლის 4 დეკემბერს თბილისში, შარაშიძის ქუჩაზე, სადაც პარტია „დროას“ ოფისია, ხასაიამ ადმინისტრაციული სამართალდარღვევა ჩაიდინა. ამ დღეს პარტიის ოფისიდან აქციებისთვის განკუთვნილი ინვენტარი ამოიღეს. ამავე მოსამართლემ დღეს გელა ხასაიას ადვოკატი, არასამთავრობო ორგანიზაცია „საერთაშორისო გამჭვირვალობა-საქართველოს“ იურისტი თეო ზაქარეიშვილი დააჯარიმა „რეპლიკებისა და ხმამაღალი ტონის“ გამო. ასევე ნახეთ რა მოხდება, თუ ჯარიმას არ გადაიხდი? უკვე 86 დღეა, 28 ნოემბრიდან, თბილისსა და სხვა ქალაქებში მიმდინარეობს პროევროპული აქციები. პროტესტის უწყვეტი ტალღა მოჰყვა „ქართული ოცნების“ განცხადებას, რომლის თანახმადაც, მათ გადაწყვიტეს, რომ „2028 წლამდე“ დღის წესრიგში არ დააყენონ ევროკავშირთან გაწევრებაზე მოლაპარაკებების გახსნა. დემონსტრანტები მსვლელობებითა და პერფორმანსებით გამოხატავენ პროტესტს. ისინი ითხოვენ ახალ საპარლამენტო არჩევნებს და დაკავებულების, მათ შორის „ბათუმელების“ და „ნეტგაზეთის“ დამფუძნებლის, მზია ამაღლობელის გათავისუფლებას. დემონსტრანტები მიიჩნევენ, რომ პროევროპული აქციების დროს დაკავებულები რეჟიმის ტყვეები არიან. „ქართული ოცნება“ დემონსტრანტების შესაზღუდად ამკაცრებს კანონებს, პოლიცია კი აჯარიმებს მოქალაქეებს, მათ შორის ჟურნალისტებს, რომლებიც სამსახურებრივ მოვალეობას ასრულებენ. ასევე ნახეთ შსს ჟურნალისტებს გზის გადაკეტვას ედავება და 5000-5000 ლარით აჯარიმებს ...