როგორც მეყანწიშვილი წერს, წუხელ აქციაზე გამოსვლა გადაწყვტია მას შემდეგ, რაც იხილა კადრები, როგორ დაუპირისპირდა ორი ადამიანი, - რომელთაც თან მაჩეტე და ხელკეტი ჰქონდათ, - დემონსტრაციების მონაწილეებს. „მე დამიჭირეს, რომ ვეკითხებოდი რა მნიშნვნელობა ჰქონდა ისეთ ქვეყანაში ყოფნას, სადაც მოძალადეს და ჩვენს შორის ვინც ქვეყნის განვითარებისთვის იბრძვის, ტოლობას დასვამდნენ“, - ამბობს მოქალაქე. „ადგნენ და ტროტუარიდან ამიყვანეს. გამათავისუფლეს ხელწერილით. გამოსულს იქვე დამახვედრეს 5000 ლარიანი ჯარიმა 17 თებერვალს გზის გადაკეტვის გამო“, - აცხადებს ის. მეყანწიშვილის თქმით, წუხანდელ ეპიზოდზე მას პოლიციისადმი დაუმორჩილებლობას ედავებიან, - რასაც სრულ აბსურდს უწოდებს. ჯერ უცნობია, როდის გაიმართება სასამართლო. „ისევ სასამართლოში შევხვდებით“, - წერს ის. три წუხელ გავრცელებულ კადრებში ჩანს, რომ მარიამ მეყანწიშვილი საპატრულო პოლიციის წარმომადგენლებს ესაუბრება, რა დროსაც ერთ-ერთი პოლიციელი მას ეუბნება: „გითხარით და ვერ იგებთ, დაკავებული ბრძანდებით“. 21 თებერვალს, საპროტესტო დემონსტრაციების 86-ე დღეს, რუსთაველის გამზირზე მორიგი პროევროპული აქცია გაიმართა და გზა კიდევ ერთხელ გადაიკეტა. ბოლო დღეებია, საპროტესტო აქციებზე „გზის ხელოვნურად გადაკეტვის“ გამო, ყოველდღიურად, ათობით ადამიანს მისდის საჯარიმო ქვითარი. ასევე ნახეთ ქურდოვანიძე: ერთ დღეში 150-მდე ზარი შემოვიდა ცხელ ხაზზე, თითქმის ყველა გზის გადაკეტვისთვის ჯარიმაზეა მოქალაქეების ნაწილს, პოლიციის წარმომადგენლები მობილურით, ე.წ. კერძო ნომრიდან ატყობინებენ, რომ მათზე ჯარიმაა გამოწერილი. მეორე ნაწილთან კი პირდაპირ სახლში მიდიან და საჯარიმო ოქმის შინაარსს აცნობენ. „საქართველოს ახალგაზრდა იურისტთა ასოციაციის“ ხელმძღვანელის, ნონა ქურდოვანიძის თქმით, 21 თებერვალს ორგანიზაციამ მიიღო 150-მდე ზარი და თითქმის ყველა ეხებოდა გზის გადაკეტვის გამო დაჯარიმებას. „ეს დაახლოებით 750 000 ლარის ღირებულების ჯარიმაა მხოლოდ ერთ დღეზე“, - აცხადებს ქურდოვანიძე. ასევე ნახეთ „ხუთი პოლიციელი მიადგა შუაღამისას დედას“ - რატომ მიაქვთ ჯარიმები იქ, სადაც დაჯარიმებულები არ ცხოვრობენ? ასევე ნახეთ „თუ ჟურნალისტი ხარ, სასამართლოში დაამტკიცე“ - გზის გადაკეტვისთვის ჟურნალისტებსაც აჯარიმებენ ...