შეხვედრაზე, რომელიც 21 თებერვალს გაიმართა ვაშინგტონში, მხარეებმა განიხილეს რუსეთ-უკრაინის ომი, ასევე, „ნატოს მოკავშირეების მიერ თავდაცვის ბიუჯეტის დაუყოვნებლივ ზრდის საჭიროება“. სახელმწიფო დეპარტამენტის ცნობით, მარკო რუბიომ ხაზი გაუსვა პრეზიდენტ ტრამპის სურვილს და მიზანს უკრაინაში კონფლიქტის გრძელვადიანი ეფექტიანობით დასრულების შესახებ. სახელმწიფო მდივანმა რუბიომ და საგარეო საქმეთა მინისტრმა სიკორსკიმ კიდევ ერთხელ დაადასტურეს აშშ-პოლონეთის ურთიერთობების მნიშვნელობა და განიხილეს პარტნიორობის შემდგომი გაძლიერების გზები, განსაკუთრებით თავდაცვისა და ენერგეტიკის სფეროში. მარკო რუბიომ, სახელმწიფო დეპარტამენტის პრესცენტრის ცნობით, პოლონელი კოლეგის მიმართ გამოხატა „მადლიერება იმ მაგალითისთვის, რომელსაც პოლონეთი ქმნის თავდაცვაზე მიმართული ხარჯების ზომით“. „ჩვენ ასევე განვიხილეთ რუსეთ-უკრაინის ომი და საჭიროება, ნატოს მოკავშირეებმა დაუყოვნებლივ გაზარდონ თავიანთი თავდაცვის ხარჯები“, - დაწერა მარკო რუბიომ X-ზე. три იმავე დღეს პოლონეთის საგარეო საქმეთა მინისტრი სიკორსკი ტელეფონით ესაუბრა უკრაინის საგარეო საქმეთა მინისტრ ანდრიი სიბიჰას. სიბიჰამ მას მადლობა გადაუხადა მხარდაჭერისათვის. „განვიხილეთ ჩვენი თანამშრომლობა საერთაშორისო ორგანიზაციებში და მოვახდინეთ პოზიციების კოორდინირება რუსეთის სრულმასშტაბიანი აგრესიის მესამე წლისთავის წინ“, - განაცხადა სიბიჰამ. три მოგვიანებით მინისტრი სიბიჰა ასევე ესაუბრა მარკო რუბიოს და X-ზე დაწერა: „მე ვესაუბრე სახელმწიფო მდივან მარკო რუბიოს, რათა გაგრძელდეს შედეგზე ორიენტირებული დიალოგი უკრაინასა და აშშ-ს შორის“. „რუსეთის სრულმასშტაბიანი აგრესიის მესამე წლისთავის წინ, მე ხაზი გავუსვი უკრაინის მტკიცე ნებას მიაღწიოს ყოვლისმომცველ, სამართლიან და გრძელვადიან მშვიდობას, რომელიც გააძლიერებს უკრაინასა და აშშ-ს“, - აცხადებს ანდრიი სიბიჰა. три შეხვედრასა და განცხადებებს წინ უძღოდა ბოლო პერიოდში პრეზიდენტ დონალდ ტრამპისა და უკრაინის პრეზიდენტ ვოლოდიმირ ზელენსკის უთანხმოება რუსეთ-უკრაინის ომსა და სამომავლო პერსპექტივებთან დაკავშირებით. ასევე ნახეთ ზელენსკი ტრამპის სამიზნედ - რატომ დაიძაბა უკრაინისა და აშშ-ის ლიდერების ურთიერთობა? ...